Just yun )(

اشتاقيتلها بس شيرجعها الي؟ كاتي فقيدتي عزيزة گلبي و روحي يَـريت ترجعلي لو بس يوم واحد اريد اشبع من شوفتها اريد اودعها عالاقل اريد احضنها 

امس صارت سالفة خطيرة،
          اجونه نسوان ثنين وبنيه البنيه طارحة طفلها بشهر الثامن عند الجدة وهن جايات من ريف الموصل البنيه جايه ويه زوجة عمها واخت زوجة عمها البنيه أهلها ميتين وعايشة ببيت عمامها وهي ما متزوجة بس حامل لأن واحد من أبناء عمامها معتدين عليها وحسب كلامها ما چانت تدري اصلًا بس هي مبين مهددة وزوجة عمها جاي تدفع فلوس حتى يطيحون الطفل والبنيه عند الجدة گالت هم هناك حتى اكل ما ينطونها يعني بأختصار معنفة والله اعلم ، المهم طرحت الطفل وبعدين راحوا رجعوا لمحافظتهم وامي اخذت الطفل علمود تنطي لصديقتها تربي وتهتم بي بس الطفل مات وصارت امي والجدة لازم يدورون مگبرة تقبل تدفنه وتستقبله وهو بدون شهادة وفاة ولا أمه ولا أبوه موجودين وماكو اي مگبرة استقبلته ونوب اكو دوريات چان بالشارع لو لزموهم چان راحوا بالسجن وطاحوا بين الرجلين وهاي كلها الساعة 12 نصف الليل ، بالاخير امي انسحبت لأن ما دخلها بالطفل هي أخذته عساس عايش بس طلع ميت رجعته للجدة ورجعت للبيت.

مختنگة وتعبانه كلش مادري شمالني على ابسط شي ابچي وازعل صايرة من امس لليوم 

بوصف باسم نگول:
          يَريت الموت أخذ روحي ويريحني

هلي ماريد عمري يطول
            كون العمر يگصر 
          گضت عمري بس شوغات
           جا المن بعد أكبر  ..

السؤال امي هم فكرت شحال گلبي من گلتلي (تبچين تلطمين مشكلتچ ما عاجبچ طلعي وياهن) عن بزازيني وهي تريدني اشمرهن؟ مايحسون بيَّ لحد ما يموتوني الا يرتاحون تعبت مليت منهم تعبوني

تعبت من كلشي صرت افكر بس شلون اشرد ادعي بالموت ونوبات افكر اتزوج واشرد من ضيم لضيم مليت 

مايقهرني غير امي لمن تدافع عن عباس (ابن صديقة امي) والله شني؟ يتيم خليه عادي وإذا ضرب البزازين عادي يتيم ، يتيم على روحه وينه وين اليتم أبوه عايش مجرد مايريده؟ شو شگد اصير زينة وياه بس هو مو مؤدب يروح يرجع يضرب بزازيني نوبات يجي عود يريد يلعب وياهن لو ما مخافة الله چا عرفت شلون اأدبه 

لمن ضاعت اول يوم چنت انامن واحلم بيها رجعت واگعد من الحلم فرحانة دمعتي ناشفة على خدي واحمد ربي فجأة اركز والگه روحي بفراشي واگومن اتأكد وادورها واباوع الترك لبچن رجعت وماكو وارجع انامن ودموعي تارسة عيني ونفس الحالة احلم بيها وافز فرحانة كلش بس ماكو مارجعت لحد هسه انتظرها ترجعلي

كلما اشوفن صورة لكاتي اتدمر اموتن الف موته اشتاقيتلها لو اعارف قبل راح يجي يوم وما اشوفنها بعد چا حضنتها لگلبي حضن تكسير اريدنها اريد بنيتي كاتي