ပျက်စီးသွားသော ကျွန်တစ်ဦး၏ အာဏာရှင် ဧကရာဇ်အပေါ် လက်စားချေခြင်း

အမတ်ချုပ်ကြီး၏ သားဖြစ်သူ လော့ဝေသည် သူ၏အတိတ်ဘဝ၌ မှားယွင်းသောသူတစ်ဦးကို ချစ်မြတ်နိုးခဲ့၏။ ထိုမှားယွင်းမှုသည် သူ့မိသားစုတစ်ခုလုံးကို ပျက်စီးစေခဲ့သည့်အပြင် နောက်ဆုံးတွင် သူကိုယ်တိုင်မှာလည်း ကာမကျွန်အဖြစ်သို့ ကျရောက်ခဲ့ရပြီး ဆောင်းရာသီ၏ အအေးဒဏ်အောက်တွင် တောထဲ၌ပင် သေဆုံးခဲ့ရချေသည်။
သို့သော် ကံကြမ္မာက သူ့ကို လုံးဝစွန့်ပစ်လိုက်ခြင်းမရှိခဲ့ဘဲ ဒုတိယအကြိမ်မြောက် အသက်ရှင်သန်ခွင့်ကို ပေးခဲ့ပေသည်။ 

ဤပြန်လည်မွေးဖွားခြင်းသည် အချစ်အတွက်မဟုတ်ဘဲ အပြစ်ဖြေရန်အတွက်သာဖြစ်သည်ဟု သူယုံကြည်ခဲ့၏။ သို့သော် လက်စားချေရန် ကြံစည်နေစဉ်မှာပင် လော့ဝေသည် ပြင်းပြသော စိတ်ဆန္ဒများက သူ့ကို နောက်တစ်ကြိမ် အဆုံးသတ်စေမည့်အကြောင်းရင်းဖြစ်လာမည်ကို မကြာမီပင် သိရှိလာရတော့သည်။

တစ်ချိန်က ဧကရာဇ်ဖြစ်ခဲ့ဖူးသူ၊ သူ၏အတိတ်ဘဝမှ ချစ်သူ၊ ဤဘဝတွင် သူ၏ချစ်မြတ်နိုးရသူ နှင့် သူ့ကိုမချစ်မနေရဖြစ်နေမည့် ပြိုင်ဘက်အင်ပါယာမှ ဧကရာဇ်မင်းတို့အနက်... မည်သူသည် မည်သူ့အတွက် ကောင်းမွန်သောအရာကို ပေးဆပ်ရမည်နည်း။ ထို့ပြင် မည်သူသည် မည်သူ့ကို နာကျင်စေမည်နည်း။

အိပ်မက်တစ်ခုကို အသည်းအသန် လိုက်လံဖမ်းဆုပ်နေသော သူရဲကောင်းတစ်ဦး၊ နှစ်ပေါင်းတစ်ထောင် သက်တမ်းရှိသော ကြီးကျယ်ခမ်းနားလှသည့် အင်ပါယာကြီးတစ်ခု၏ ဂုဏ်ပုဒ်၊ ကျယ်ပြန့်စွာ တည်ရှိသော နိုင်ငံတော်တစ်ခု၏ အာဏာ၊ ဤအရာအားလုံးသည် လော့ဝေ၏မျက်စိရှေ့တွင်  မျက်လှည့်ပမာ ပျောက်ကွယ်နေပေသည်။

သင့်အား တစ်သက်တာလုံး ပျော်ရွှင်မှု ပေးနိုင်ရန်
အတွက် ကျွန်ုပ်၏နှစ်ပေါင်းတစ်ရာကြာ အထီးကျန်ခြင်းကို ဖလှယ်လိုက်ခြင်းသည် တန်ဖိုးရှိပါ၏လော။