زَكْيَّة .

اني حُره  _ هسا شوي وراح احذُف الحساب لانُ ماكدر ابقي اذا تكدرين تتواجدين باجر بهيج وقت تعاليلي 

تسنيمي واللهي مشتاقتلج
            ومشتاقه لكلامج الحلو لانُ بس كلامج يخليلي أمل ! 

يَلاا كلام الحبيب زبيب ولا يهمج 
            • مادري شلون رهمتها (: 

وللأَبّد راح اضَل اقَراهّن واحَبّهِن >> 

للأبد أحب هاي السوالف التطلع مني >> 

الشخص اليجيك بوقت مصلحته ، اليعَتبرك صديقه او حبيبه على گد المصلحة والغاية وبعدها يرجع يختفي ولا كأنو يعُرفك ولا كأنو چنت صاحب فضل عليه بيوم من الأيام يروح وحتى شكر ما يشكُرك ادري بيك شكد تشمئز من عنده وما تطيق تباوع عليه ، وتريد تنهي علاقتك بي بأسرع وقت تدري شيء انتَ هذا الشخص الذكرته اني ، انتَ نفسك الما تشكر وما تقدر راح تكلي شلون ؟ اسمحولي اگلكُم انتَ مصلحچي ، يم رب العالمين بكُل مُشكلة توگع بيها ، بكُل ضيق حال وضيق نفس ، بكُل مُصيبة تمّر عليك ، بكُل شعور سَيء تتمناه يخلص ، تروح تلقائياً عند ﷲ وتتوسل بي حتى تتحقق مصلحتك وغايتك ومُجرد ما تتحقق ، راح تنسىٰ هل فضِل وقليل جداً اليشكرونه ، اتذكّر وياي هسه ، كم مره ﷲ نجاك من شعور ماجنت متوقع تتخلص من عنده ، كم مره ﷲ طلعك من مشكلة ماجنت متوقعها تنحل ، كم مره ﷲ فتحلك باب وفتحلك طريق ماجنت متوقعه ينفتح ، بكُل مره تلجئ اله وقت حاجتك ، وما يردك خائب ولا حزين ابداً ، مع ذلك انتَ قليل او نادر الشكُر بينما من تكون مرتاح او سعيد ، او بطنك شبعانه او حصلت الدرجة التريدها بالأمتحان او المعجب بيها بادلتك نفس الشعور او اشتريت سيارة او تعينتي وهوااااي أمور فهنا تنسى اكو رب جابلك الامور التريدها لإيدك وكلك اتهنى بيها .. ماريد منك تشكُرني بس اذا تشكرني راح ازيدك أضعاف وأضعاف وإضعافات النطيته الك ، لا تدور بس المصلحه ، ﷲ ارحم عليك من الف شخص ، كل اليتمناه تشكُره .. وما راح يقصر وياك ابداً ويعطيكم الي تستحقو دائماً اشكروا رب العالمين .. اشكروه دائماً وابداً . 

بس شوي زعَلااااانه (".  

وهنا نُدرِك مرات نعيش بسجن الواحد بـ المية وهُوَ وهمّي ...
            نلاگي لواحد لبينا عنده كُل أسباب البهجة والسعاده، وعنده نعم تغطي عينه، بَس مَشايفها وتظل عينه وگلبَه عَلَى هذاك الشيء البسيط الّلي ما عنده ويربط سعادته بيّه، وگأنما سعادتنا مشروطة بهذا النقص، عجيب!
            وهذا هُوَ فخ العقل البشري، يخلّينا نترك لـ ٩٩ الّلي بإيدينا وأركز عليهم ويمكن أزيدهم، بَس أخَلّي عُمري أركُض وره الدينار الناقص وأربُط سعادتي بيّه، وأنسى أتمتع بالّلي املكه، وننسى نشكُر الرحمٰن عَلَى الستر والصحة والأمان، بَس لأن اكو قطعة صغيرة باللوحة مفقودة .
            وهماتين السعادة مو لازم أملك كُل شيء بل أعرف شلون أحبّ الّلي عندي واشوفه هُوَ لكُل بالكُل، لأن ثق وأعتقد الّلي ما يقتنع بلـ ٩٩ لو تنطي الدُّنيا بأكملها حيبُقى يدور عَلَى نقص جديد يعيش بيّه دور المحروم، والّلي الرحمٰن ما ناصفه وممقدمله شيء .

مَلِك عنده خادم كُلّش سعيد إلى ابعد درجة يضحك بكُل وقت وعايش حَيَاتَه ومكيف بيها رُغم هوَّ فقير وما يملك شيء، المَلِك تعجب من يمه وسأل الوزير، إني مَلِك وعندي كُل شيء وضايج، وهذا خادم وما عنده شيء ومكيف بحَيَاتَه، ليش ؟
            هنا الوزير گله، جرب وياه قانون لـ 99 حط بباب بيته كيس بيّه 99 دينار ذهب واكتب عليّه " هذه لـ 100 دينار هدية إلَك "
            الخادم من لگه الكيس وفتحه وحسبهم لگاهم 99، هنا تخبل، صار يدور يمنه ويسرى عالدنيا لواحد حتّى تكمل لـ 100، گلب البيت گلب، صاح الزوجته وأَولاده وباقين طول الليل يدورون على الدينار وهوَّ منهار وضايج ومهموم بَس عَلّمود هذا الدينار الناقص، ونسى لـ 99 الّلي صار يملكهم بلحظة!
            ويشوف هنا سعادته ما تكمل إلا بهالنقص البسيط
            ثاني يوم راح للشغل كل عاده بَس هالمرة يختلف بيّه شيء راح وهوَّ مو سعيد مثل كُل مره راح ووجهة ثگيل وضايج والدُّنيا ضيگه بعينه، هنا المَلِك عرف إنَّ سعادتنا تضيع مو لأننا محرومين، بَس لأن نركز عَلَى الشيء الّلي ناقصنا وننسى النعم الّلي مغرگتنا طول اليوم، ونخلي السعاده مربوطه على وهَممم ما موجود مثل الدينار لـ 100 . 

تذكرت قُصة المْلك والخادم مال لـ 99 ؛-؛!. 

أَعْتَذِرُ يَا أُمِّي إِنْ خَيَّبْتُ آمَالاً
            وَصِرْتُ لِلقَلْبِ أَثْقَالاً وَأَوْجَاعَا
            مَا عُدْتُ ذَاكَ الَّذِي أَرْجُوتُ رُؤْيَتَهُ
            يَمْضِي إِلَى الحُلْمِ أَطْهَاراً وَأَبْرَاعَا
            صِرْتُ الهَوَى أَتْبَعُ العِصْيَانَ يَحْمِلُنِي
            حَتَّى أَضَلَّ سَبِيلَ الخَيْرِ ضَيَاعَا . 

وُجُودُجِ هُوَ الْأَمَانُ الْحَقِيقِيُّ لِقَلْبِي ✨. 

أحلى موقف من نكعد كلنا ونسولف، وماما تبدي تحجي شون بابا جان 'رومانسي' ويغازلها بالخطوبة، وبابا يباوع للسگف ويگول : 'والله الذاكرة تعبانة ما أتذكر هيج شي' ، وماما تنكلب ملامحها وتصير ' عزّة ' وإحنا بنصهم ميتين ضحك !

مرات أحس روحي عايشة وية الممثلين أكثر مما عايشة وية أهلي هسة لو يسألوني على اسم جيرانة ما أعرفه، بس اسألني عن تاريخ حياة الممثل التركي، أنطيك تفاصيل حتى هو ناسيها . 

تخيلوا دا أشوف مشهد عابر بمسلسل تركي قديم، وتذكرت البطلة شون جانت تلبس، وهسة گعدت أدور المسلسل كله من البداية بس علمود أتأكد من لون فستانها، الفراغ شيسوي بالواحد ? . 

       . ٠١:٠٢ صَ . 
            ‏كَفْكِف دُموعَك وَانسحِبْ يَا عَنترة
            ‏فعُيونُ عَبلة أصبحَتْ مُستعمِرَة
            لا ترجُ بَسمة ثغرِهَا يومًا فَقد
            ‏سَقطَت من العِقدِ الثمِينِ الجَوهَرة
            ‏عَجَزَ الكلامُ عَن الكلامِ ، وَريشتي
            ‏لمْ تُبقِ دَمعًا او دَمًا في المَحبَرة
            ‏وَعُيونُ عَبلة لا تزالُ دمُوعُهَا
            ‏تترقبُ الجِسْرَ البَعيدَ لِتعبره .