dajaan27

الرواية كثير حلوة بس فيها كم ملاحظة 
          1-مش كثير حلو تدمجي اللهجة الفصحى مع العامية اثناء كلام الشخصيات، يعني اذا بدك خلي السرد فصحى و الحوار عامية، او الاثنين فصحى افضل عشان باقي الدول يقرأوها 
          2-لازم تخلي القارئ يتعلق بالشخصيات، فمثلاً لما وقع احمد انا ما اهتميت عشان ما تعلقت فيه و ما فهمته، لو كتبتي في بداية القصة قصة قصيرة عنهم كان تعلقنا اكثر. 
          3-في بداية الرواية كتبتي انو امير طفل ذكي و رح يفاجئنا، الاشي حلو انك تشرحي الشخصيات بس لو انك كتبتي (امير طفل بسيط و مثقف)، و تفاجئنا ب ذكاءه اثناء الالغاز و المراحل افضل، هاد يسمى عنصر المفاجأة انو نكون في لحظات خيبة امل و فش حل بس ييجي الطفل يحل المشكلة و احنا نكون مفكرينه طفل غبي.
          4-ردة فعل الشخصيات مش مكتملة، يعني لما سقط احمد بس زعلو شوي و كملو، و لما اختفت استبرق ليان كملت طبيعي بدون ما تدور مع انها بنت عمها، لو شفنا شوي انها عصبت و خافت و بدأت التدور بس امير و منير حاولو يوقفوها و فهموها انو المشوار ما انتهى كان شفنا ترابط قوي بين الشخصيات. 
          5-النهاية مفتوحة و انا بفضل هاد الاشي مع انو كثير ناس ما بتحب هيك بس عادي، 
          بالنهاية الرواية كثير حلوة و استمري