osama_altrabilsy

هاي

هاي

هذا حسابي الجديد و قصصي الجديده تابعونيhttps://www.wattpad.com/story/257466856?utm_source=android&utm_medium=link&utm_content=story_info&wp_page=story_details_button&wp_uname=osamaaltajory&wp_originator=Mq97VyFZWo%2BlIDyE%2FQzQU1uiFmfEns28JVOQyGT0kzJ8k7E%2BupU6yEc6077ZBcWkBkCxXTrm8%2BEcAbCcDDqefilJfcwgVEKVmhUoDTgVdda51%2BMHCor%2FaaXoIpSMdF7C

 #غلطة_عمري الحلقة الاولي 
          
          (اميرة) بنت تقرى تالتة ثانوي حلوة وجسمها متناسق وامكانياتها ممتازة شعرها طويل وناعم وشاطره في قرايتها تجيب فيها من الأوائل ونوعها هادية وعاقله تسكن في وادي الربيع
          (شهد) صاحبة اميرة المقربه تقعمز معاها نفس المقعد وكل اسرارهم مع بعض وتسكن قريبه منها
          (ملاك) تقرى معاهم في الفصل حالتها المادية ممتازة وعندها جو التجكتير والفخفخه تلبس في الضيق وتكلم في هلبا ولاد 
          
          .........................
          قدام المدرسه
          اميرة* هي سلام ياشهد بابا جي
          شهد* سلام ميرو راك تنسي تجيبي يلي قتلك عليه غدوة
          اميرة* كلميني ع النت وفكريني
          شهد* اوكي 
          ملاك* شن هو يلي ماتنساشي
          شهد* حاجه موصيتها عليها 
          ملاك *شن هي قولي بلا جو
          شهد* قفطانها الفضي عاجبني قلتلها تجيبه معاها بنمشي بيه عندي عرس الخميس
          ملاك* معقوله تطلبي في قفاطين تعرفي اني عمري ماطلبت قفطان ولا نحب من يطلب مني حتي اختي مانلبسش منها كل مايجيني عرس لاازم نشري واحد جديد كان هذا مانمشيش 
          شهد* ااه به كويس 
          شهد جاها الباص وركبت روحت 
          ملاك جاها بوها بسيارتهم العاليه وركبت وروحت
          .........
          اميرة روحت تاعبه تغدت ورقدت طول ناضت فتحت النت شوية تفسفس جاها طلب صداقه من واحد خشت شافته لقاته طرف من الاخير جت بتقبله بعدين خافت دارت رفض وسكرت النت قعدت تتفرج علي التلفزيون 
          نادتها امها 
          فاطمه * اميرة تعالي اغسلي الماعين 
          اميرة *حاضر يام هي جيت دارت سماعات في ودنها ومشت تغسل في الماعين
          ...........
          ملاك روحت بدلت حوايجها ومشت لبنت خالتها طلعو يهيجو بالسيارة وطبعا كل طلعه تاخد في ارقام وتروح تهدرز عليهم 
          خولة بنت خالة ملاك تسوق وجنبها ملاك
          خولة * شوفي الطرف هذا بتاع البي ام من بكري يغيرلي في الضي 
          ملاك* وينه وينه  وووه يهبل 
          ملاك فتحت الروشن وعلت المسجل وبدت تغني معاه وتضحك
          صاحب البي ام لصق فيهم اول سينافرو لصق في روشن ملاك وحدف رقم وغمزلها ومشي
          ملاك* وووه شدت في الرقم ياخولة 
          خولة * مبرد ز** امه نحسابه يبيني اني 
          ملاك* ووووه حسد حسد ياسرك يلي عندك يابنت 
          خولة* وعلي اساس يلي عندك انتي شوية بعدين مش منك من القصة يلي صابغتيها و مطلعتيها كلها ومن العدسات والسروال يلي مشحطيه علي مخاريقك 
          ملاك* سكري فمك علي اساس انتي لابسه عبايه توا  هيا بسرعه اول مطعم جعت اني 
          خولة* باهي الز**ديما وانتي جعانه راك اديري رجيم تنصقي شوي