رَعـد

جابك الحظ واحلّوت بعدك السنين
          ‏جعل ما أنتِ على قلبي بـ ضيفٍ عجل .

جعل زولك عن عيوني ما يغيب
          ‏يا بعد شوف العرب و أزوالها .

‏في وسط قلبي أحطك وأداريك
          ‏ وتبقى معي هالعمر وباقي سنيني. 

كيف أتوب من الهوى وأدله وأقفي 
          ‏و أنت طيفك كل ماسجيت جاني. 

يا فرحة العيد مالك فالحنايا شريك
          ‏دوّر وتلقى ورى الأضلاع عيديّتك .

واعايد على اللي عاد حبه لايزال 
          عيدٍ بلا لقياه ماله فايده

ما هِيب هرجه لك مقامٍ على الناس
          ‏مدري غلاك بذمّتي وش طماعه.
          

والقصايد ما تليق إلا لعيونك
          يا عيونك وش سوّت بالقصايد.

كنّا انا وياك والثالث الليل 
          ‏و يضيع كل الليل بيني وبينك. 

عقب ماكان يرد الروح بـ وصاله
          ‏تمر الايام لا اشوفه ولا ادري به.