qlevr99
سامَرْتني
وإنتَ تِدري الدِّنيا ما بيها اعْلَه گَدّي
بَس ضِحِكْتَك..
عاشَرْتني
ويا ضِحِكْتَك؟
لِمَّت الناس الغريبة
وطَشَّرَتني
qlevr99
إنتَ يالْمَدري؟
شَسَمِّيـك مِـن أشوفَك
يا بَعَد كِلشي اسْمَه أحِبَّك
إنتَ يَل بَس اعْلَه طولَك
فَرَّعِتْهُن مِـن حِچيت..
اعْذِرني مَدري شِچَم جَرِح عَنَّك خِذاني
وهَسَّه إجيت
وهَم أگِلَّك
آنَه عيني اعْلَه الخَصُر والفُـوگ مِنَّه
ومِن وِصَلِت لْلـ ما أگِلَّك
شِشْتِهيت!
كِلشي ما سويتْلَك مِـن الرِدِتْهُن
والله عَوَّضني بضِحِكْتَك والتِهيت؟
وآنَه ذاك اعْلَه الجَرِح كِلِش حِنين
هيج أَلوليلَه اعْلَه كيفي..
qlevr99
وِداعَةِ الله
ولا يِظَل بالَك عَلَيّه
النِّيَّة چانَت
بَس أحِبَّك
هَالمِشيت..
وما نِسيت
وِداعَةِ الـگِتْلَك عَلِيْهَن
وِحْدَه... وِحْدَه
ورَتَّلِتْهُن رَكْعَه رَكْعَه
وسَجْدَه سَجْدَه!
وصَفَّطِتْهُن يَمَّك وبِيْهَن رِضِيْت
