رُقـية .

مُتَواجِد…

- اذا باچِر مِتِت والكاتب الله يصير .
          - وجابوها الجِنازه مِحَمَّله لأهلي .
          - وصيتي اكتبها للعِدِّين اخايبها .
          - وترا كِلمة فَرَح ما راح أحِط بيها .
          - خَلّو جِنازتي يَم أمي باللِّيل .
          - مَحلا النُّومه مِن اسمع نواعِيها .
          - لـ تِأذوها بحچايات تِنگال .
          - اليِگول حُروف اسمي يريد يِسبيها .
          - وابوي الأصْدَق من حچايات السَّكران .
          - أبو عين الحنينة الدَّمع يأذيها .
          - لا يِبچي عَليه ولا يِدَنِّگ راس .
          - يِضَل شامِخ أريده الدَّمعه يِخفيها .
          - ومِن أوصَل لـ كُبري لا تِجِف لِعيون .
          - ترا گاع المِگابِر دَمعه يِرويها .
          - ولا يِنسوني اخوتي شِما أطوِّل غاد .
          - آنه روحي حِنينة الدَّعوه تِحييها .

- ²⁰²⁶ | ⁴ | ²² ابرِيل سَـ¹⁰-

يلوموني
          وأحسك تكبر بروحي
          ويلوموني
          وأنا بلا شوفتك
          شينفعن عيوني؟
          يا شوفي ورجوتي ودنياي
          ودنياتي ولوني وعذابي
          وبسماي وشكواي وضنوني…

هَلا بـ المَا يدري بيَّه وين
          مَا وين
          هَلا بـ عـروگِ گَلبي
          ورَمشة العَين

اكابِل عينَـك الحِـلوه و اغَنـي
          وكل اليوجعَـنك يوجِعنـي
          واذا تِنجرِح اني انجرِح وياك
          مثل ما اني منـَك انـتَ منـي

گُمت أتـخيَّلك تِرجَع
          وأحاچِيك
          وأسولِفلك الصَّـايِر مِن عِفتِني
          عَلى يا هِي أعِـذرَك؟
          صارَن هواي..
          بَس حچايَة أگِلَّك
          ضيَّعتِني

²⁰²⁶ | ⁴ |  ¹¹ ابرِيل سَـ⁷ -

في بَحرِ عَينيكِ 
          هًامتْ كُلً أشواقي 
          يارّبةَ الحُسنِ هل
           تنوينَ إغراقي
           ما كُنتُ أؤمِنُ 
          بالعيونِ وسِحرِها
           حتى دَهتْني في
           الهواىٰ عَيناكِ .

- ²⁰²⁶ | ⁴ | ⁴ ابرِيل سَـ¹²-