ROMANTICA

بقلمي
          تائهة انا بين خيارين كِلاهُما واحداً أصَعبْ مِنَ ألاخر واقِعة أنا بَينَ نارين ولَقدْ جَفْ حِبر كتاباتي هَذهِ المرة لم يعُد هناك شي يَصف ما أشعُر بيهِ أنا تائهة حَقاً بَينْ ما يَدور في قلبي وما مُضطرة على تَحمُلهْ في عَقلي لعلّي هذهِ المرة لم أعُد أملك الكلمات لِوصِف مشاعري لقد تَعبتُ من شِدة المحاولة والأمل ...
           الأمل على كُل الأشياء القريبة الى قَلبي لقد عانيتُ بما فيه الكفاية لأصِل لما انا عليهِ ألان لقد حارَبتُ عَقلي وقَلبي لقد حارَبتُ ظروفي وكل لحظات إلانكسار في حياتي وها أنا الان أقف وانا مخذولة لان لا امتلك خيار الاختيار فما يَدورُ في قلبي ليسَ بشيء يُستَندْ عَليه لقد ضل القلبْ على مَدار حياتي وهو يَخذُلنُي ولم يَجمَعْني بما أحُب يووماً والان عقلي أتعَبني من شِدة التفكير و ألانتقاد
           لماذا ؟
          هل لأنني طَوال حياتي وَددتُ لو اني أُجمع بما يُشبِهُني هل صَعْب جداً أن يُلاحِظُني أحد بِنَفسْ الطريقة التي أُلاحِضْ بِها العالم أجمع لقد أعطَيتُ كُلَ شيء أكبر من حَجمهُ لأجِل ان أُجمَع بِما هوَ مِن حَقي وها أنا اليوم عالِقة بسبب تكبيري للمواضيع والناس ...
          لقد تَمنَيتُ أن لا يَخذُلني الطريق يوما ولكن في كل مرة أخوضُ فيها المغامرة على ممرات قلبي أُلاقي العَثرات والطُرق دائماً مَسدودة والأن ها انا أُسلِم كل شيء للحياة وللقدر هذهِ المرة على أمل ان يِجمَعني عَقلي بما لم يجمعني بيه قلبي ...

صارلي سنين اشتغل على هل فكرة انو خلص الي يروح الله وياه وخلص والي ميجي من ذاته لا الايام ولا الموافق بعمرها راح ترجعه هو هیچ كلشي يروح لازم نتركه يمكن صار شي بسيط عليه هلكد ما ضليت كل هل سنين ازرع أبالي هل فكره مو معناها اتخلى بسهوله لا بس لو اكو شخص يستحق يطلع من حياتي راح اطلعه ولو شنو مجان موقعه
          
          ف لحد ينتضر منى اتمسك بيه وهو اصلا ممتمسك بيه لان هاي صارت قاعدة أساسه بحياتي يا ريت لو الكل يسويها جان محد تأذه أبد من المقابل

الغلط انو احنه لازم ما نثق بالناس ولا نخلي مواقع تواصل اجتماعية هي الي تحدد استمرارية علاقتنه بالاشخاص 
          يعني اني ما اربط علاقتي بشخص بمجرد هو يشوف ستورياتي او لا او بأنو ينطيني لايك ...
           ولا احدد علاقتي قوية بشخص لمجرد انو هو تابعني على موقع او لا ولا بأنو جاي يحجي ويايه 
          العلاقه تتحدد بالايام بالمعاشره بالتجارب و المواقف احس الواحد مو لازم يقيم علاقته باي شخص بمجرد انو هو متواصل وياه او لا لان اكو كوومه تبعدهم مدن بس تلكاهم بكل موقف وياك وكوومه بينهم ثواني ما يلاحضوك اصلا عمرها المسافه ما جانت هي الي تحدد علاقتك بالناس بكد ما انت وتصرفاتك وعفويتك ومواقفك هي الي تخليك قريب من الكلب والعقل …
          ايام قليلة تمر على الانسان او حتى لحضات تبعده عن شخص او تقربه او حتى تنهيه نوبات احنه طول حياتنه نكضيها نربط احداث وافكار من كيفنه ونمشي عليها ناسين انو الاقدار مكتوبه والي ما يجي من كيفه مستحيل راح تجيبه الايام ...

١/١/٢٠٢٥
          هل سنه تعلمت انو :
          _طلع القانون مو عادل
          _والنصيب اقوه من الحب
          _والانسان يكدر ينطي شعور لأكثر من شخص
          _والعيون تجذب 
          _والاهتمام ممكن يكون فارغ 
          _والناس احلى من بعيد
          _والعشره بتهون على الكل 
          _وتأكدت انو فاقد الشيء يعطيه 
          _وحبل الكذب طويل
          _وطلعت لهفة البدايات غباء مو حب 
          _وبعد اول جذبه كلشي يصير شك مو اطمئنان 
          _ وبس يمر الوكت تصير القصه الها معنى ثاني يختلف تماما عن الي حسيت بيه بالبدايه 
          _ ومو شرط الحب من النظرة الاولى يمكن هذا انعكاس لاعجابج بالشخص
          بسسسس 
          طلعت الدنيا دواره من صدك 
          والانسان صدك بعقله مو بعمره 
          وصدك الي انكسر عمره مراح يتصلح 
          وصدك يجيك يوم تمر من نقطة ضعفك وما تضعف 
          وصدك مو ضروري نكمل ويه الناس الي نحبهم
          وصدك مو كلشي بالبدايه حلو يستمر للأخير

بقلمي
          بهل سنه تعلمت انو اكو هوايه ناس موجوده بحياتك بس يمكن وجودهم مثل عدمه مثلا لمن انت تكون بموقف صعب انت ممحتاج احد يجي ينطيك حلول او يكولك انت غلط انت محتاج الي يطبطب عليك الي يسمعك وبس محتاج الي يحضنك حضنه جبيره حتى يخفف عنك مهو انت انسان وعندك عقل وتفكر بالحلول
          لان انت من جاي تحجي لشخص ضروفك او تعبك مو لان محتاج الي يطلعك منها انت محتاج الي يوكع وياك بيها ويطبطب عليك 
          
          يمكن اكو ناس بمواقفها وعشرتها القليله طبطبوا عليك أكثر من كومه ناس انت ضليت كل عمرك تسمعهم وتوكف وياهم وبعدين يجون يستغربون من أفعالك او من بُعدك فجأه حتى لو بَعدك وياهم تحس صاروا غربه 
          
          نوبات الواحد شكد ما قوي وشكد ما يسمع الناس ويشاركهم كل همومهم بس هم محتاج الي يطبطب عليه مو لازم يوكف يكول اني تعبان حتى ناس تحس بيه والانسان القوي عمره ميكولك تعبان تشوف التعب بعينه او بشكله او بأبتسامته الباهته تشوفه بهدوئه الغير معتاد محد يلاحضه غير بس الي من صدك يهمه امرك 
          
          نوبات تشعر بخيبة امل لمن تشوف أشخاص هوايه انت وياهم بكلشي بس هم حتى ميعرفون انت بشنو جاي تحس لو تشعر الا اذا وكفت وكتلهم اني تعبان تعلمت هل سنه انو من صدك اكو ناس بمواقفها القليله بس تكدر تسرق كلبك وتخليك تشعر بالأمان وتخليك سعيد وتكدر تسحب الطاقه السلبيه منك وترى تلكاهم اصلا ميسون شي مجرد سؤال او كلام بسيط او مدح تخيل تكون محتاج هل شغلات البسيطه ومتلكاها بأقرب الناس الك شعور الخذلان أصعب شي ومن منو من ناس قريبه عليك 
          تخيل بس هل كلمات اثرهم شكد يكون جبير مع انهم صغار
           اني قريت مقوله حبيتها كللللش تكول ( باجر واحنه كبار كلمه صغيره تكتلنه )
          طلعت مو كلمه وبس نوبات حتى شعور بسيط يكتل بداخلنا ناس عمرهم جبير

بقلمي 
          اكو حيره هاي الي تجيك فجأه هذا الشعور الي يخليك واكف بمكانك متعرف شتسوي ترجع خطوه او تتقدم شعور التعب والخذلان الي يجوك بهل وكت كلش صعبات صعب تشوف نفسك بمكان متكدر تطلع منه مو لان ماكو حل لان انت ما عندك خيار افضل صعب فجأة كلشي يصير ضدك الناس الضروف الايام وحتى المشاعر يوم يجيك الشي الصح بس بوكت غلط او بظروف غلط يوم تكون محتار شتسوي وشنو الحل لمن توكف بين قرارات ، الصح مالتها والغلط يأذوك وكونك شخص حريص ومتريد تكرر الاغلاط راح تتعب اكثر لان تكون محتاااار ...
          محتار بين هوايه شغلات الظاهر طلع الإنسان شكد ما يكبر قلقه يصير اكبر ومشاكله تصير أصعب والتساؤلات تصير اكثر

بقلمي✌
          ٣/١١ it's my birthday 
          كل ثانية وكل دقيقه وكل ساعه وكل يوم وكل شهر وكل سنه هوايه صح ههههههه بس هاي اني عشتها بكل لحضاتها وثوانيها وبكل تفاصيلها تصدكون لو اكوللكم يمكن حتى بثانيه تعلمت وأخذت عبره وتقووويت اني هسه بهل لحضه مو مثل قبل تعلمت هوايه تقويت هوايه تغيرت للزين وللمو زين نوبات احنه محتاجين المو زين بحياتنه شويه يعني حتى نكدر نتحكم بهوايه ناس تشوف نفسها انو هي المسيطره على الواحد بالشر مالتها لهذا تعلمت وتقويت وصرت اقوه واحسن وحتى تفكيري صار غير يمكن رب العالمين ينطينه فرص هوايه كللش كدامنه حتى نتعلم منها حتى وكعاتنه هم نوكع ونحزن حتى نتعلم بس اكو فرق بين انو تكون انسان طيب ونيتك صافيه فتكون العبره مالتك خفيفه حتى بس تتعلم ما توكع بمصايب يعني مو يكولون على نياتكم ترزقون طلع حتى هل حجي صدك كل واحد ياخذ على أفعاله ف كلنه بهل دنيا نوكع ورب العالمين يختبرنه بس يبقى مدى القوه والكسره على حسب انت ونيتك واعمالك لهذا اكوللكم يمكن بثانيه الإنسان يتعلم ويتغير هوايه شفت ناس وهوايه تعلمت منهم وال شي الي  تعلمته ما اثق بالبدايات ههههههه لهفة البدايات الكذابه 
          كل يوم جاي اتعلم شي جديد كل يوم جاي اكتشف شغلات عن الناس مجنت اعرفها نوبات افرح لان كلشي تجي اخباره يمي حتى لو بعد زمن ونوبات هل اخبار محلوه وتضوجني كومه ناس اعتقد انو خلص فقدت التواصل وياهم بس وره فتره اسمع أخبارهم من ناس ثانيه كومه اشياء حبيتها ومحبيتها بحياتي حبيت انو كل هل ناس وكل هل لحضات والساعات مغيرتني حبيت انو بعدني حتى لو الناس متشوف هل شي بس بيني وبين نفسي اني متغير بيه شي ولا اذيت احد حبيت صمودي بعد كل الي عده عليه من ناس او مواقف او اهل او حجي او اي شي بهل دنيا حمد لله على هل حال والحمد لله انو بعد كل التجارب السيئه والناس الغلط بعدني اكول اني مثل ما اني متغيرت بس تقويت وتعلمت شون اتعامل ويه كل شخص بعدني فخورة بروحي لان اني ممتغيره وبعدني رغم كل هل ضروف والناس بعدني انسانه وعندي مشاعر وعندي احساس 

بقلمي
          لقد كانت مسافات الحب بعيده بيننا لكن لم ينقطع الوصال لا أعلم هل كان للقدر يد في ذلك ام اننا اجتمعنا في مكانٍ اخر و أصبحت اخبارُنا واوضاعُنا تأتيني على اشكالٍ مُختَلِفه ...
          حِلمٌ مثلاً او مثلاً إحساس او على شكل اخبار تصل إليك من شخصٍ مجهول لم أكن أعلم أن هناك لقاء من نوع اخر للمحبين  لقد كنت اتوقع ان اللقاء يكون بالواقع فقط لم اكن أعلم أن الاحاسيس والمشاعر والأفكار يلتقون ايضاً لم أكن أعلم أن وجع لقاء هذه الأشياء أصعب لم اكن أعلم أن هناك اشياء يعيشها الإنسان اكبر من ان يكون لها تفسير لقد كنتُ اقول ان التصالح مع النفس ومحاولة النسيان صعبه لم أكن أعلم أن المرحله الي تلي النسيان أصعب أن تقاتل بصمت مع عقلك وقلبك أن تكون من اللذين يحاولون السيطره على هذا الكم الهائل من الحزن والأفكار التي سوف تسيطر عليك ما بعد الوعي وما بعد التخطي حيثُ تعود لتقول كيف انني انهزمتُ هكذا لمشاعر كاذبه كيف انني كنت بهذا القلب الصغير الذي اوصلني الي هنا يقولون ان المحب الحقيقي لا يشعر وحده بنفس الشعور إنما الحب هو شعور متبادل من الطرفين لم أكن أعلم أن هناك مقولات غير صحيحه ولم أكن أعلم أن  الناس تكذب حتى بمشاعرها تكذب بنضراتها وتكذب أيضا باحاسيسها ...
          
          رومانتيكا...

لقد كان الإدراك صعباً لم اتوقع ان يكون بهذه الصعوبة لم يعرف احد ما كُنت أشعر بيه لقد كانو يحاولون المواساة لكن لم يعلم احد ما الذي كان يدور في عقلي ...
          لقد رأيتُ ما لم يراه الجميع حتى اقرب الناس لي لم يروا الموضوع مثل ما رايتهُ انا ...
          لقد شاهدتُ أحلامي، دعائي ، قلبي وحتى فرحتي بالتفكير رأيت كل ذالك يتحطم ...
           لقد تحطمتُ لعدة مرات على عدد دقائق اليوم لم يفهمني احد ضنناً منهم اني حزينه على الموضوع فقط لم يعلموا انني كنت أرى أحلامي الورديه أمامي واشعر بنفس الوقت بوجع شديد في قلبي لقد ذهبت أحلامي سُداً لقد كُنت أحاول فهم الشعور و وصف ما يجول في عقلي وقلبي لقد حاولت فهم ما يحدث امامي لم اتوقع ان الصدفه التي كنت احلم ان تكون نهاية حزني وتسائلاتي لم اكن اعلم ان الذي كان يحيرني هو نفسه الذي سوف يكسر لي احلامي لم اكن اعلم ان بعد هذا كله ستكون هذه النهاية وانها ستكون بداية لحزنٍ جديد لم اتوقع انني سأرى تلك اللحضه ممكن ان يكون هذا بسبب دعائي والحاحي كنتُ اتوقع انني سوف اُجبر بعد كل هذا العناء والصبر لم اتوقع انني سوف اتحطم وتتحطم أحلامي لم أكن أنوي ان اعيش هذه اللحظه لم أكن اتوقعها اصلا كنتُ دائما اتمنى وب يقين انني سوف اصل للمرحله الجميله من كل شيء لم اتوقع انني سوف أكون بهذا الموقف وهذا اللقاء لم أكن اتوقع انني سوف اعيش بالحضه الواحده الف صراع ...
          
          
          
          

بقلمي
          هي الحياة هيج اكو كومة اشياء تبعدك عن اكثر اشياء تحبها بس هم تنطيك امل  ما تأخذه منك هي صح تأخذ اشياء بس تعوضك بأشياء احلى وأنقى والطف الحياتك إضافات يمكن الواحد يعتبرها تجي بوقت متأخر بس انو متعرف شنو الخير بيها
           انو أغلب الايام تمر على الواحد وهو مرتاح وسعيد ومطمأن ركزولي على كلمة اطمئنان الي تجيك من شخص وتخليك ترتاح شخص يمكن متعرف عليه جديد بس هو اضافه حلوه الكل حياتك شخص يخليك ترجع تحلم وتحب وتعيش حياتك شخص هو بيده يعبرك ل بر الامان ...
          
          
          تصبحون على ما تتمنون