Bas Ek Dafa Laut Aao…
Tumse kuch maangna nahi hai,
na koi vaada, na koi haq jataana hai…
bas dil ki ek aakhri guzarish hai,
ek baar phir meri zindagi mein laut aao.
Iss baar tumhe rokungi nahi,
iss baar tumse koi sawaal nahi karungi,
bas tumhare paas baith kar
thodi der tumhe khamoshi se dekhti rahungi.
Jo baatein adhoori reh gayi thi,
shayad unhe kehne ki zaroorat bhi na pade…
tum meri aankhon mein padh lena,
aur main tumhari aankhon mein
woh purana sa pyaar dhoondh lungi.
Mujhe tum hamesha ke liye nahi chahiye,
maine tumse koi kal nahi maangna…
bas ek aakhri shaam tumhare saath chahiye,
jismein waqt thoda sa tham jaaye.
Ek baar mera naam
usi mohabbat se bula dena,
ek baar meri taraf
waise hi dekh lena jaise kabhi dekha tha…
main apne saare gile-shikwe bhool jaaungi,
aur shayad dil ko yakeen ho jaaye
ki humari mohabbat kabhi jhoothi thi hi nahi.
Phir chahe subah tum chale jaana,
main tumhe dobara kabhi nahi bulaungi…
bas uss ek mulaqat ko
apni poori zindagi ki yaad bana lungi.
Toh agar kahin tumhare dil mein
mera naam abhi bhi zinda hai,
toh laut aao…
Hamesha ke liye nahi
bas ek baar.
Sirf ek baar.
Taaki main tumhe phir se kho sakun,
iss baar tumhe
apni aankhon ke saamne dekh kar.
