عِــقَــاب

حيل بالغت بيك
          ميزتك عن كل البشر
          و ساويتني وياهم تاليك ...

" كُل ما يُذكر بالمنصة بِقلمي "

" مسودة "
          شعور مو حلو اعتبره
          من تلاحظ ان شخص وياك ينحب اكثر منك
          وتحس الاضواء كلها عليه، رغم انك تسوي
          نفس جهده وربما أكثر، بس متحصل ذات الشيء
          الي هو يحصله،... محد ميقدرك مثل ما يقدرونه
          وتحس بيك نقص.... ثم ثقتك بنفسك تتلاشى شيئا فشيئا
          شعور غير محبب بالنسبة لي، واعتقد 
           بالنسبك الك كذلك عزيزي القارِئ 
          شعور ان جميع جهودك تروح بلا نتيجة
          ما اعرف ربما اختبار من الله سبحانه
          او مجرد مشكلة من مشاكل الحياة
          بس الاعرفه الجهد ما راح يضيع هباءً منثورًا 
          ادري  ممكن هلشعور يستحوذ عليك 
          ويخليك ما تبذل جهد بأعتبار اول تالي محد حَ يقدرك 
          اذا بذلت جهد او لا،  بس تذكر انت دسوي هلشي لأجل نفسك 
          مو لأجل شخص ثاني، مو لأجل تنمدح أنما لأجلك انت
          وبالنهاية مراح يضيع تعبك.... 
          توكل على الله وهي تصفى سوالف بالنهاية
          اني حاليا امر بالشعور ذاته 
          ودا اخاطب ذاتي من خلال الاسطر السابقة .... 
          " أنتهى "
          
          
           

بأمكانك ان تراني لا شيء
           بأمكانك ان تراني كُل شيء
          وجهة نظرك عني شيء يَخصك
          لا أظنه يَخصني ...
          

"مسودة"
           في بعض الأحيان
          من نصادق شخص وتصير وياه على علاقة 
          راح تحس ان هذا الشخص زين وتستلطفه
          وتحسه "مختلف " عن الكل بطريقة ما 
          وراح تنهار امامه جميع الحواجز  الي بنيتها
          وراح تنسى كل الدروس الي تعلمتها
          وكل القواعد الي يُفترض تطبقها ويـَ كل البشر بلا  أستثناء
          بس للحظه راح تحس هذا الشخص هو استثناء من نوع أخر
          تحسه مختلف عن الكل،.... 
          هو الي ما تشمله القاعدة، راح  تنسى كل شي 
          وتقنع عقلك كلما يراودك شك بـ " هو مختلف ! "
          شيئا فشيئا راح يتغير  الى  الاسوء او ممكن ما يتغير للاسوء
          ممكن مجرد  يصير مو مثل ما كنت متوقع 
          ما يصير يلمع كانه نجم وحيد بفضائك 
          راح يبهت بنظرك.... يسوي تصرفات غير مثالية 
          تصرفات ما كنت متوقعها من الشخص الاستثناء 
          ممكن تكون طبيعية تصرفاته بس مو مثالية بالنسبة لنجمك الوحيد
          ممكني يأذيك عن طريق الخطأ،...  طبيعي تتأذى  لان انت ما عندك حواجز اتجاهه 
          لانها انهارت اول ما حسيته استثناء، ممكن يستغلك  بسبب لطفك الزايد اتجاهه 
          او بسبب عدم رفض طلب اله... طبيعة الانسان استغلالي بالنهاية ويتمنى الخير لنفسه دائما 
          ف ليش لأ... ليش ما يستغلك؟ خصوصا وانت موضح اله بتصرفاتك، انه عادي 
          ، حينها، راح  تعرف ان ماكو شخص استثنائي ما تشمله القاعدة 
          وماكو شخص مثالي من شتى النواحي أو يستاهل تغير قواعدك
           وتفلش حواجزك وحتى شخصيتك ربما بس لخاطره
          لان ماكو شخص معصوم حاليا وماكو شخص راح يمانع يأذيك او يستغلك
          لخاطر مصلحته وانت سامح له بهلشي ومبينه عادي... 
          "جميع الناس تشملهم القاعدة،... مهما كانوا "
          
          أنتهى.... 
          

اني اعرف مسبقا أن البشر غالبا تهمهم مصالحهم  أكثر من مشاعر الأشخاص حولهم
          بس اليوم تأكدت بسبب موقف عشوائي  
          على كل , البشر فعليا أشبه بالوحوش مو معناها  اني الزينة الوحيدة بيهم 
          كل انسان بيه شي سلبي بالنهاية, المقصد أن ممكن تحچي وي شخص تضحكون طبيعي 
          ومستلطفين بعض وربما أصدقاء 
          بس فجأة يتغير ويكلك كلام جارح بس لان عارضت مصلحته 
          ولا كأنه هو نفسه الي حچيت وياه قبل شوي
          الانسان من تكون بداخله رغبة ممكن يجرحك أو ياذيك بس حتى يحصل عليها
          مو من فراغ بس من الموقف الي تعرضتله اليوم تأكدت من هلشي 
          تكونون أصدقاء طبيعي و بس لان هو يريد شي وانت كنت عائق بطريقه
          وإِن كان من غير قصد وإِن كنت على حق 
          المهم انك عائق , راح تشوف الشخص على طبيعته نيته الداخلية اتجاهك
          حتى لو كان يستلطفك ويحبك بس من تعارض مصلحته حيركع مشاعرك بعرض الحايط للاسف
          لذلك ماكو انسان مميز وماكو انسان يختلف عن الكل وزين من كل النواحي
          حتى لو كان انسان زين اتوقع منه الاسوء
          بنهاية المطاف احنا ما نعرف نيته الداخلية!
          وما اكو احد هلكد زين, 
          حتى من نعاين ع أنفسنا احنا هم مو زينين دائما
          
          انتهى...
          

ءحم خيه سؤال

أَيَصبَحُ الإنسانُ عِقابًا لِنفسِهِ؟
          رُبَّما… فَأنا عِقابٌ لِذاتي،
          ولِمَن حولي أيضًا
          أنا السَّكينةُ والنَّارُ…
          لا أَنتمي إلى الشَّياطين،
          لكنَّني لستُ مَلَاكًا
          قد أكونُ الدَّمارَ،
          وقد أكونُ الخَيرَ
          أنا النُّورُ والظَّلامُ،
          أمَّا أن أُطفِئَكَ،
          أو أن أَجعَلَكَ تَشِعَّ،
          ورُبَّما تُشِعَّ شَرَار
          كُلُّ ما أعرِفُهُ
          أنَّني لَستُ الشَّرَّ دائمًا،
          ولا أستَقِرُّ على الخَير
          لَم اتَعَلم الأستِقرَار
          
          -نص عشوائي-

يا كمر ليالينا ...
          مالك نية تمر علينا ؟
          لو كرهته دربنا وما تحب طارينا؟ 
          

مجرد لحظة طيش ... 
          مُمكن تدمرلك حياتك كلها  
          من شَتى النواحي 
          مجرد تصرف مو صحيح او طايش 
          يكدر يدمرلك مستقبلك وحاضرك ويخليك أسير للماضي 
          يخليك مُقيد بسلاسل التفكير 
          إلى يُستحال تكدر تحرر نفسك منها
          شنو ممكن يسوي الإنسان حتى يصير بيه هيج ؟
          مُجرد ما فكر عدل 
          وما حسب حساب لمستقبله  
          وتصرف بشكل خطأ
          هل يستحق يصير بيه كل هذا؟ 
          اي يستحق من وجهة نظري 
          كل شخص يتحمل نتائج أفعاله 
          مهما كانت , اني كأنسانة وقعت في فخ 
          جمال الحظة إلي خلاني اندفع واتخذ اسوء قراراتي 
          والاسوء ان الإنسان ما يستوعب انه خطأ
           لحدما يفوت الأوان ويخسر كلشي, 
          اتخذ قرارك بعدما تفكر بيه بـ سلبياته قبل إيجابياته 
          ولا تخلي لحظة طيش تدمر كلشي ...