أنا أكتب لأنّي ما أعرف أشرح اللي داخلي بطريقة عاديّة.
أغلب كتاباتي مو عن الأحداث نفسها، قد ما هي عن الشعور اللي يتركه الحدث. أحب أركّز على التفاصيل الصغيرة اللي غالبًا محد ينتبه لها؛ نظرة، غياب، صمت طويل، تغيّر بسيط بطريقة الكلام... الأشياء اللي شكلها عادي لكنها تترك أثر ثقيل.
أميل أكتب شخصيات متناقضة ومتلخبطة نفسيًا، شخصيات تراقب أكثر مما تتكلم، وتحس بكل شيء بزيادة حتى لو ما تعترف. أحب العلاقات المعقّدة والتعلّق والغيرة والمشاعر اللي صاحبها يحاول ينكرها طول الوقت.

أسلوبي غالبًا هادئ من الخارج، لكن فيه ضغط نفسي واضح. ما أحب أشرح المشاعر بشكل مباشر دائمًا، أفضل أخلي القارئ يحس فيها من التصرفات والجو العام.

بس بنفس الوقت أعرف إن عندي مشكلة أحيانًا إني أغرق بالمشاعر لدرجة يصير النص ثقيل طول الوقت، وكأن الشخصيات تتحرك بس ما تتحرك القصة فعليًا. لهذا أحاول أتعلم كيف أوازن بين الإحساس وبين تطور الأحداث، لأن هدفي مو بس أكتب شيء مؤثر، أبي أكتب شيء يعيش.