ryry_88

هاا ورفل كلش ما حبيت علاقتها ويه امير. لا رابية وياه ولا يشوفها اخوية واختشي ومن هالسوالف متمشي عليه. شنو تاخد الڤيب مالته وتدخن شنو سوالف تالي الليل بالحديقة عذروني اني مو اوبن مايند بس هي رفل كشخصية خوش. 
            ابا الحسن حيييل كرهتة من موقفة ويه ليلة من عقد عليها. شبيك خالي مشايف ؟ مصدگت ؟ هو اقل واحد مفضل عندي بين الاخوان التسعة يعني في نهاية الهرم ترتيبه بين الاخوان. 
            سور ونور وحويدر ملح الرواية يونسون ولو مرات ما يضحكوني لانو الكاتبة مصختها بس اغلب الاحيان يضحكوني. 
            منتصر زربة مو زلمة ماعنده حچاية. 
            حاكم خوش حاكم بس حبيبة مَ تنطي فرصة للأوادم متشوف بس الزرابين امثال منتصر. 
            غزوة الوحيدة الي ما ارتاحيتلها ولا كدرت افسر شخصيتها. شنو تخدر تمني من چانت ببيتها ويه نعمان ؟ اكو هواي اشياء بالرواية ما توضحت والكاتبة حطتها بس حتى تثير الجدل والشك وشي حلو بس چان على الاقل انطت توضيح بخصوص بعض الاشياء المبهمة
            

شخصية حنان واقعية وانانية حيل لمن تجي السالفة لـ بناتها وان كان على حساب أذية الاخرين مع ذلك ما ننكر انو هي تحب بناتها وتخاف عليهن من الهوة الطاير. 
            سلوى البلوت تويست مال الرواية حرفيا ! واكثر بارتات حبيتها هي البارتات الي انكشفت بيها ملاعيب سلوى كلش استمتعت بيهن صراحة وصدمتني حيل بسوالفها الخايسة. 
            رسمية كلش حبيتها وفطيرة على نياتها وان كانت تبسمر البنات احياناً بعد انتن تعرفن سوالف العمات بس هي حيل كبرت بعيني من وكفت ويه تمني بسالفة حملها واكتشفت من البداية هاي المرة خوش مرة وصدگ مرة الشيخ. 
            ليلة وتالة ورهف كلهن نفس الشي لسانات طويلة وكوميديا وماكو شي مميز صراحةً بس حيل يونسن ومنطيات نكهة حلوة للرواية. 
            ابرار حرامات حرامات الكاتبة ما انطتها مجال تسرد وتوضح علاقتها ويه دُر..لانو الواضح انو هاي المرة مُدمرة حرفيا وهذا شي طبيعي بسبب حياتها الي عاشتها. 
            سبأ كُلش حبيتها ياخي احب علاقات الحب الي يكون بيها شفاء وتعافي احسه صدگ حب لذلك اكثر علاقة متت عليها هي مال تقي وسبأ. 
            شمس حبوبة تجنن احب النساوين الگوية الملعبة. 
            حبيبة ماعندي شي عليها صراحةً غير انو الي براسها راكبته وضوجتني شوية بس احبها. 
            عبق ، عنق ، قبق ، شفق ، عگروگ +٩٩ اخرون. نو كومنت شخصية عادية صراحة ما بيها شي مميز. 
            تمني هم شخصية عادية ما بيها شي مميز. 
            كلهن عانن بدرجات متفاوتة والله انطاهم العوض. الله يسعدهم ويديم عليهم المحبة اذا چانوا صدگ. 
            

@ ryry_88  فحطتتت عاديي تنسينن تنسيينن 

@opsnbs39 واخزيتااااه

@ ryry_88  لا حبي دا اقره تمسلتج