سَهم

أجيك بَلهفتي ألتچوي ،
          وأرد بـردان 
          وادفه بَندم جيتيّ .

خاف أموت
          واني ما شبعَان منك
          خل أحضنك ! 
          يمكِن الَمرة الأخيره
          البيها احضنك ومنو اليدري
          الموت ياساعه يجي
          ولو ميَت هوايَّ منك .

مَحتاج نَگعد سوه 
          وأحچيّلك شگد خَفت
          مِن راحَت عيّونك
          و مِن گتلي خل نلتقي
          صَدگني مرني القَلق 
          أبديلَك بيا بچي
          من تسأل شلونَك ؟

أنتَ ياكُلشي حلو وگعِت عليه عِيوُني
          أنتَ يا كُل صيت حلو أنگال بلسّاني
          أنتَ يا كُل ألقصائد وَ ألأغاني .

يَهنيال الجمال الشالته عيونك ، 
          سلام الله عَليهن لا يحسدونك .

أحبَك وأختلِف
          حَتى بسَلامي وياك
          ولا تِسأل عليه شلوني ما لوني
          بَس سلم عليه وشوف رَدي شلون
           ما أرُد ألسَلام ، 
          أشمُرلَك عيوني ".

أول مره أحس بَروحي مو صياد
          شفت عيونك و سلاحي تيهته ،
          بعدنيّ بعازتك وألمُوت مو وكته
          خل يرحِن عيوني ولا تروح أنته .

سِهومَك كِلها تايهة مابالحِسبانْ
          بسّ شجَاه گليبي المِصَوبْ؟

خُذنّي بَگليبك سِوُآلف
          خُذني بَعيوُنك حچي
          لوُ ثگِل حّزن ألليّالي
          أوُكع بَخدك بچي .

لگيتك يا وَطن رُوحي بعد ماريده الغُربة .