Saja Al-Muslim

"مَن يُحبك لن يُسقيك مُر الإهمال أبداً"
          
          من خلال هل اقتباس الي كلش قصير راح تفهمون الموضوع والي هو الشخص اليحبك بعمره كله مراح يهملك ولا شوي بالعكس راح يهتم بيك وراح تكون أنـتَ الشخص الي تكون من اولوياته وماكو شي ثاني اهم منك وديرو بالكم من الشخص الي يغيب عنكم وبعدين يرجع ويتحجج بكلمة ظروف كلنه اليوم عدنه ظروف ومشاكل وهواي شغلات بس كلنه عدنه تلفونات ونكدر نحجي بس اكو فرق بين شخص يبتعد بحجه الظروف وبين شخص حتى وهو عنده ظروف يكون يمكم وميبتعد عنكم هواي علاقات سامة صاير بيها هذا الشي بس يبقون ويه الشخص لان متعلقين بي وع امل انو يصحح اغلاطه ويمشي وياهم مثل ميريدون بس لا هذا الشخص راح يبقى نفسه واغلاطة تزيد متنقص فـ من تشوفون هذا الشي موجود باي شخص بحياتكم ابتعدوا عنه واتركو لان راح يدمركم نفسياً وبس ولله .

احلامك بيدك أنـتَ تخليهن يتحققن ويصيرن واقع او تبقى تحلم بدون متسعى ويتحققن لتخلي اي شي يوكف بطريقك حارب واسعى علمودهن العمر مره أنـتَ راح تعيشه لتخلي يمشي هيج بدون متسوي اي انجاز تفتخر بي غيرك مو احسن منك لا بس هو حاول وسعى ووصل للمكان الي يطمح اله وانتَ هم خليك هيــچ ولتكول ما اكدر الانسان الي عنده طموح واهداف مخليهن باله لو مهما يصير راح يصيرن لان هو مُصمم ع هذا الشي أنـتَ كل الي عليك تسوي تسعى وتكمل الشي الي تطمح اله والباقي يم رب العالمين هو يدبر امورك لتفكر أبــداً بالي يصير بعدين ورب العالمين يكول بالقرآن الكريم ﴿وَأَنْ لَيْسَ لِلْإِنْسَانِ إِلَّا مَا سَعَىٰ﴾ أنـتَ اسعى والباقي يجي مثل متريد وممكن افضل هم وبالتوفيق الكم بكل مجالات حياتكم وبس ولله .