سالم

بعض الناس قاعد تشعر و أنا لاقمها قاعد ادرس 

يـا هـيـه يـا لـلـي تـشـيـل الـعـز وتـجـيـبـه
          بـنـت الـدواسـر فـخـر والـطـيـب يـقـفـاهـا
          هـذي سـلايـل (بـنـي زايـد) هـل الـهـيـبـة
          لـيـا بـدت نـجـد كـل الـخـلـق تـوحـاهـا
          الـقـدر سـامـي و هـي تـعـرف مـوا جـيـبـه
          مـن قـو مـوقـف قـبـيـلـتـهـا مـا تـنـسـاهـا
          ومـن (تـغـلـب) الـعـز لـه بـالـجـوف تـرحـيـبـه
          قـومٍ سـطـروا الـفـعـول و يـعـلـى مـبـنـاهـا
          مـن حـقـهـا تـتـعـنـصـر والـعـز تـهـديـبـه
          كـل الـمـراجـل خـذتـهـا مـن مـنـاشـاهـا
          الـنـور نـورهـا وعـيـنـهـا تـبـيـض الـشـيـبـه
          كـنّ الـحـلا مـن يـديـن الـبـاري أعـطـاهـا

بـنـت الـدواسـر لـيـا قـالـوا بـنـت الأصـولـي
          فـيـهـا الـجـمـال وعـزوة الـعـربـان مـلـمـومـة
          إن جـت مـن سـلايـل (بـنـي زايـد) تـقـولـي
          عـز وفـخـر والـطـيـب لـلـطـيـب يـقـسـومـة
          هـي هـيـبـة الـعـارض وشـبـلـه مـا يـطـولـي
          خـذت الـسـنـاعـة والـمـراجـل محـتـوومـة
          وإن صـارت الـدوسـريـة مـن (بـنـي تـغـلـب) تـجـولـي
          مـن قـو بـاس الـنـسـب مـا هـي بـمـهـزومـة
          بـنـت الـقـبـيـلـة لـهـا فـي الـمـعـالـي نـزولـي
          قـدر الـحـشـيـمـة بـقـلـب الـرجـال مـرسـومـة
          الـطـيـب تـاجـه وهـي مـن الـسـاس مـنـجـولـي
          ومـن طـبـع أهـلـهـا الـمـكـارم دوم مـلـزومـة

يا غزالٍ فـي ديـار الـدوسـريـه
          شـفـتـه وتـشـهّـد الـقـلـب وضـمـيـره
          عـيـن الـمـهـا والـجـدايـل شـعـريـه
          سـاهـم الـرمـش الـذي مـحـدن يـجـيـره
          يـا لـيـت لـي مـعـك طـبْـقـة بـريّـه
          وأسـمـع هـروجـك بـلـيـل الـسـمـيـره
          تـرا الـقـلـب مـن غـيـابـك فـي بـلـيـه
          مـحـدٍ يـطـفـي الـجـمـر ويـبـرد سـعـيـره
          يـا ويـل حـالـي عـلـى الـغـالـي وذيّـه
          الـنـار فـي جـوف ضـلـعـي مـسـتـديـره

نويت مرباع الغضي سيد الأحباب،
          قصدي يزول الجرح زاد التهابه.
          جيت وبقايا نارهم حول الأطناب،
          وبيت الشّعر مطوي وباقي زهابه.
          أقفت ركايبهم ومني الهدب ذاب،
          من دمع يسري وذهل بالإجابة.
          على غزير الدمع ضميت الأهداب،
          وصديت لين الدمع يقفي سحابه.
          حاولت ما قصّرت، مير القمر غاب،
          والمشكلة ما حدٍ يعوض غيابه.
          بعض الوجع يمكن تداويه الأعشاب،
          وبعض الوجع يا ويل منهو سطا به.
          عشق بدوي لا حب ما هوب كذّاب،
          يوفي ولو جرحه تجدد صوابه.
          الأمر لله، كل شي له أسباب،
          وإلا الهوى وش لي على هج بابه.
          باكر إذا جينا لهم مثل الأغراب،
          من عقب ما كنا الأهل والقرابة.
          واليوم وصلت بيننا مثل الأجناب،
          ذاك الغلا يا ضيعته يا سفابه.
          ريح الخزامى والنفل زين الأطياب،
          يشدني ريح السمر في ثيابه.
          لا أقبل نسيم الليل له خيل وركاب،
          وله في طلوع الشمس عز ومهابة.