SalmaRabie8
رسالة لحسابي القديم او بمعني اصح قاصدة اوصلها لنفسي زمان..
سلمى يا حبيبتي انا فاكرة كويس الايام دي اللي هيا ٢٠١٩ وقبلها ، صدقا كانت أحلي أيام ، علي الرغم من انها كانت ايام منغلقة وبسيطة اوي ،، انا عارفة انه ممكن كنا بنتذمر بشأن الايام دي بس حاليا والله أدركت قيمتها وبساطتها وبراءتها ..
نفسي اوي ارجع للماضي وأعيشه بشكل تاني ، بشوية شجاعة ، واقلل توتر وتفكير ،، نفسي ارجع منغير ما انسي الحاضر عشان تفضل كل الدروس اللي اتعلمتها محفوظة ف ذاكرتي ، وبأكدلك اني هبقي مبسوطة مليون في المية علي الرغم من تذمرنا حينها..
سلمي يا حبيبتي انا مش قادرة اتقبل الواقع واني كبرت وان كل دة عدا ، اينعم انا الي الان غير راضية عن اللي وصلت له ،، كنت بطمح لشئ اكبر وسعيت كتير وتعبت والله يا حبيبتي لكنه قدر الله
بس انا اهو بحاول اتأقلم وبحاول اعيش ،، لكن بين كل فرة والتانية بتغلبني نفسي ودموعي وذكرياتي وبنهار ، ايوة زي دلوقتي كدة .. عشان كدة كتبت الرسالة دي ونا عارفة انها مستحيل توصلك ومستحيل ارجع للماضي ، بس حبيت افرغ ما بداخلي ، او يمكن رسالتي وصلتلك علي هيئة شعور وقتها
سلمي يا حبيبتي انا كنت ومازلت فخورة بيكي،، اتمني انتي برضو تكوني فخورة بيا بعيدا عن كوني تايهة حاليا !
بس ان شاء الله كل حاجة تبقي حلوة واقدر اعيش
عموما انا لسة فاكرة ان هدفنا دخول الجنة،، انا يمكن بعدت شوية بس ان شاء الله ارجع من تاني ،،
سلام يا حبيبتي