yaqeen_alshikh
محاوطني ظلامي وضـوء الشمس الخافت طيـر ذرات التراب لامه روحي لـ صـدري مركزه على الضـوة وانود
فـزيت من ضيعتي بـ صفنتي بسبب دفـره للباب بقـوة
باوعلي بـ نظرات حسيتها نظرات موتي المحتـوم
مُستثار حيـل بدون ما يحجي شي ويتهكم مثل كل مـره
طب كسر كل شي بالغرفة ما خله شي سالـم وهي من الاساسا ما بيها شي غيـر خشب ومتروكه من سنين
هيـج البوخه والتراب بكل مكـان
بقيت ابجي بكتمـه ما ضلت عندي حيله غير دموعي
عيوني تتجول علي وين ما يروح فلش اليصير گدامـه
شهگت بالنفس لمن شفته يتقرب علي گمـت اتعثر بـ مشيتي
يتقرب خطوة وابعد الف غيرها عنه يتقرب وابتعد الى ان صرت على الحايط وصدري وتخربطـه انفاسـه اضطرابي بلا حـدود
باوعلي بـ الخبث حواجبـه مطبوگـه وعيونـه حمـره دم
اخذ نِفس من الجگارة وهمس بـ وعيـد مُحكـم
ـ هذا الحجيم العشتي لا شيء والقادم اعظـم .
ما جاوبت حاولت ادفعه بس فشلت
لوه ايدي بغضب عصارها حيل بـ اذيـه
ـ لا تحاولين وياي ما راح يفيدج شي ناري ما تطفه
الى ان تحرگ اصغر طفـل من ذكراكم
وانتِ اولهم يحلوه .
غمضت عيوني عاصرتهم حيل
فاقدة الامل بي بس نطقت بـ ترجي
ـ رجعني لـ اهلـي ما تعرف شراح يصير بحالك
اذا لمحوا طارفك عوفني وما اعرفهم بيك
ما اخليهم يطحنـون عظامك !
ضحك مستصغر كلماتي
ـ ما عندج اهـل انتِ، وما الج مخرج من عذابي
الا الموت وحتى هوَّ ما اخليج تحصلينـه .
ـ منـو انتَ؟
ـ انه النار الراح تحرگ ذاك القصـر والبي .
نطقهـا بـ حـده ورجفـة اعصاب
مـد ايـده على خصـره طلع السلاح ساحب اقسامـه
قربه علي مثبتـه جـوه گلبي عاصر الفوهة يألمني بيها
تقـرب يم اذاني يتهامـس
ـ روحـج قربان لـ آثامهم .
ما لحگت اسـوي شي طلـع صوت ضغينـه على هيئـة طلقـة حسيتها اخترقت اعماق روحي الواهنـه ..
واذا تسألوني منو انتِ؟
ـ انه تدهورت احوالي
لا انه معلگه بـ سماي
ولا انه اعرفت چتالي .
https://www.wattpad.com/story/336212217?utm_source=android&utm_medium=link&utm_content=story_info&wp_page=story_details_button&wp_uname=yaqeen_alshikh
