“Sapagkat natitiyak kong walang makapaghihiwalay sa atin sa kanyang pag-ibig. Kahit ang kamatayan, ang buhay, ang mga anghel, ang mga pamunuan o ang mga kapangyarihan, ang kasalukuyan o ang hinaharap, ang kataasan, ang kalaliman, o alinmang nilalang ay hindi makapaghihiwalay sa atin sa pag-ibig ng Diyos na ipinagkaloob sa atin sa pamamagitan ni Cristo Jesus na ating Panginoon.”
Mga Taga-Roma 8:38-39 RTPV05
Ang pagmamahal sa atin ng Panginoon ay walang kapantay. Tayo ay binigyan niya ng kalayaang pumili ng ating landas. Kung maging isang tagasunod niya o ang piliing mabuhay nang naaayon sa gusto ng mundo na mas mahalin ang kayamanan at kapangyarihan. Siyempre kung tayo´y naligaw ng landas at ating pinili ang mabuhay sa gusto ng mundo ay kailangan nating harapin ang mga consequences nito ngunit kung ayaw natin nito ay maaari tayong bumalik sa piling ng Panginoon sa ating pagpapakumbaba at pag hingi ng kapatawaran sa kanya. Sa pagmamahal sa atin ng Panginoon ay ibinigay niya sa atin si Jesus Christ na siyang daan papunta sa kanya. Ang mga problemang nadating sa atin ay nagbibigay sa atin ng pahiwatig na tayo ay bumalik at tumawag sa kanya dahil siya lang ang makakatulong sa atin tulad ng nakasaad sa Matthew 6:33. Ganito niya tayo kamahal na gusto niya tayong maligtas at makasama sa buhay na walang hanggan.
