mram_alnshwany
مفـاجـأة القــدر
البارت {1}
غلقت الطيقان بعد ما نظفتهن وجلست براحه وهي مبتسمه وهي بتشوفهن بعد التنظيف شغلتها الوحيده انها تهتم بالبيت بعد ما منعها ابوها من الدراسه وهي في الصف الرابع رغم محاولاتها المريره في انها تكمل تعليمها بس دون جدوى
كل يوم تشوف الطلاب والطالبات بيروحوا من المدارس وتتحسر انها ماقدرت تكمل حتى جزء يسير من مراحل التعليم
دائما تشوف بنت جيرانهم اللي هي تماما في نفس عمرها ونفس المرحله راجعه من المدرسه تتمنى لو انها في هذا الوقت راجعه معاها
احيانا تهرب من غير علم ابوها لعند بنت جيرانهم وتشوفها وهي بتذاكر الدروس وتحاول تحفظ معها وتخليها تشرح لها ايش قال الاستاذ وايش سوت بالمدرسه وايش الاشياء اللي بيتعلموها
نقزت لما شافت ابوها جاي من بعيد وشكله معصب بقوه قامت من عند الطيقان بسرعه ورجعت البردات وجريت لعند امها داليا وهي متوتوه وبتمشي بسرعه
هديل اختها اللي اصغر منها في الصف الرابع للان بتداوم في المدرسه وهي عارفه ان مصيرها بيكون مثل مصير اختها داليا بتوقف تعليمها وهذي اخر سنه لها بالمدرسه :هييي دالي اين عتسيري
داليا وهي مستعجله :وخري من تجاهي ابي جاء
هديل بعدت من طريقها بخوف عارفه ان في شي بيحصل اكيد ابوها القاسي اللي مافيه هو والرحمه اي صله او قرابه شديد مره ومايعرف اقرب الناس له
داليا وصلت لعند امها اللي بتطبخ
وداد ام داليا اللي تحملت الكثير ع شان جهالها تحملت اشد انواع الضرب وتحملت الكثير من المشاكل من زوجها بس ع شان جهالها دائما كانت تخفي دموعها عنهم دائما كانت تحاول تصنع الابتسامه بوجهها لما تشوفهم بس هم ملاحظين عليها ولكن ماباليد حييله.
وداد :تميتي عملش
داليا وهي بتفرك يداتها في بعض :ايوه تميت وابسرت ابي جاي وشكله ضابح قوي
وداد تنهدت بضيق :الله يستر
داليا :انا شاسير ابسر رافت لاذلحين راقد
وداد :تمام
داليا دخلت الغرفه وغلقت دائما عندما تشعر بالخوف دائما تحس بالامان وراء باب الغرفه اكثر من انها تحس الامان مع اهلها
قربت من رافت وهي بتشوفه راقد بامان رافت اخوها اللي داخل بعمر العشر سنوات دائما كانت تتمني انه اكبر منها ع الاقل تحس انه في انسان اكبر منها ع شاان ينزاح الهم اللي اكبر منها وتحملت فوق طاقتها تحس نفسها مسؤوله ع رافت وهديل تشوف نفسها بالنسبه لهم الام الثانيه..