❄From Vespucci❄

بنت السنه الجايه 
          _راح تدرس الناس  احسن 
          _ياريت تفتهم بالطوبه اكثر لان محتاجه هالمعرفه 
          _راح تجيد الهدوء 
          _تنسى سالفه انو البشر يحتاج بشر 
          _تجاوب بكلمتين بدون متحس روحها بلا ادب 
          _تلتقي على الاقل صاحبه وحده الكترونيه 
          _تعترف بمشاكلها وي نفسها اكثر 
          _تتقرب اكثر لربها ,معلوماتا وروحيا 
          _اهم اهم شي متضوج اهم شي شنو ما طلعلها متطلع روحها اني من هذا الزمن واكلج مخيبتي املي ومدا اكتب متوقعه منج تكسرين التوقعات لا اني صدك فخوره شنو متطلعين لابعد حد 
          

نكتب رساله السنه الجايه 
          وخلي نكول رساله يمكن للبرعم الي من زمان زمان زمان اريده يثمر
          قبل هاي منو اني قبل هذا البرعم خلي نعتبرها رساله بمناسبه فتح الحساب من جديد 
          هاي الايام اني راسي يوجعني ...ابدا ابدا مو مثل قبل واتمنى يكون هذا شي اكثر من تعبير مجازي ..انو ارجع للخبطه والتشتت راح يكون اكبر بريك 
          بس الي داعانيه هو وجع راس واقعي بمعنى اني حاليا سنتي كلها مشاكل واقعيه بشريه نفسيه ..كلش مو جوي 
          اني طالبه ..مقبله على جامعه ..عندي قائمه اهداف بطولي مرتين 
          عندي عائله الله يستر عليهم يصطفون بالانجازات وركل  المنافسين
          بس مازال ما عندي ايمان بنفسي 
          كل يوم اقترب اكثر لمعلومه انا ابدا ما راح ادرك هذا الايمان 
          كل يوم اتاكد انا ابدا ما راح تبقى ثقتي بنفسي بمستوى واحد 
          وهذا بلائي 
          انو هذا الايمان ما انولد بيه رغم هو اولى متطلبات النجاح 
          وكل يوم احس بثقل كل شي خططت له 
          وثقل انو اني ما اكدر اتراجع 
          ثقل انو اني حطيت على الحجر ما لازم اموت واني اي احد 
          وهذي المشكله 
          اني اي احد 
          واقل من هذا 
          جنت اراجع  كتاباتي القديمه مسودات ممنشوره لاني ردتها كامله ومثالية  
          وبجيت 
          انو اني عندي هذا الاسلوب هذا التعبير والدقه ...حتى واني وقتها ما نيتي اشتغل بالاخراج ولا الكتابه وكلها مسودات مكامله  
          وشغله انو اني 
          ممكمله ولا وحده منهم 
          لان جنت طول السنه جبانه متثاقله 
          ما اريدها تخرب 
          ما اريد افسدها 
          وهذا كله يخليني اشكك بروحي منو اني 
          انا بصمتي الحمامه وكل روايه وقصه افارقلها مع الحمامه 
          لكن انا شخصيا اكره كل الطيور وبالاخص الحمام 
          اخلي الكل يسميني باسم ابوي رغم اني لما اسمع اسمي من نفسي ارتاح 
          هاي لخبطه مالها نضير  
          واني احبها 
          كل ما زادت وكل ما تعبتني وبجتني وخلتني اتوسل 
          هاذي هي زهراء قبل البرعم 
          واتمنى اصير هليفا 
          حتى زهراء ترتاح بسلام بيرفكتلي  ...نتذكرها بكتاباتها والذكريات الي بقت النا منها 
          وهذا الاحسن من جميع الجهات 
          

رجعت للحساب هوريه!
          كنت اكدر ارجعه من اول ما خسرته ...ابصر شنو ما رادني ادخل 
          بيرفكت ..الأشياء مثل ما اشوفها بيرفكت اكدر اطورها واخليها خورافيه واكدر اخربها , فليش المخاطرة؟ 
          أني بشر أحس التقديم شي سيء , أحب الأشياء يا تتأخر يا تجي وقتها , ف ليش أكتب هالرساله وباقي شهرين حتى تكمل آخر رساله السنه؟ ,لأن عندي فتره مراجعه بكلوريا , رغم احس مثالي أكتب بفتره المراجعه شي مشاعر تطلع كلش قويه , بس نرجع لكلمه ,ليش المخاطره ؟ 
          خلي نجاوب ,احم احم
          -زهراء راح تحس بالمسؤوليه أكثر على نفسها 
          أبدا زيرو 
          -زهراء رح تعرف شنو تكول وشنو متكول من تحجي وي الناس 
          -زيرو اخر , بس راضيه 
          -زهراء رح تتغلب على دوماب وتروضه أو تعيش وياه بكرامه 
          فعلا جواب غريب , دوماب صديقي الصدوق لدرجه نسيت أنو جنت اتعارك وياه ويختفي إحساسي بيه, الحياه جدا غريبه 
          -زهراء حتسرف أكثر وأكثر 
          لعبتي هاي صارت للجايات تتطور 
          -زهراء حتعرف ستايلها 
          ستايل لبس؟ مو صعبه بس مو كلش اهتمامي وخصوصا هالسنه ...عالجايات 
          -زهراء انجليزيتها فل مارك 
          الحمدلله تقوت 
          -زهراء رح ترتاح بالنوم بالطريقه القديمه 
          لا , انام بدون احساس وداحلم هواي أحلام وداندمج بالنوم واتهرب بيه وبنفس الوقت منه وباختصار كلش متعبني 
          -زهراء حتصنع قوانينها بدون متكسر مبادئها 
          هواي تعليقات على هذا المطلب ...بس خليني اكتفي ب أحسن من قبل 
          

اعتذر من صاحب/ة الحساب 
          
          لكن ...
          
          لعلك تمتلك ما نبحث عنه..
          
          وربما تمتلُِڪ ڪلُِ مآ نحٍتآجٍ آلُِيهـ سوُآء ڪنت ڪآتبَآً آوُ قٌآرٍئ آوُ مصمم آغلُِفُة آوُ فُيدِيوُهـآت تشُوُيقٌية 
          
          آوُ لُِعٍلُِڪ تملُِڪ موُهـبَة تقٌدِيم آلُِمقٌآبَلُِآت وُصنعٍ آلُِمسآبَقٌآت آلُِتحٍفُيزْية 
          
          آوُ آنڪ شُخـص يسعٍﮯ لُِدِعٍم آلُِآخـرٍين بَأية طُرٍيقٌة
          
          هـذَآ هـوُ مڪآنڪ
          (مهم قراءة الشروط قبل التقديم للانضمام إلى الفريق)
          
          بأشراف #الكاتبة_مريم_الرماحي
          
          https://www.wattpad.com/story/302959550?utm_source=android&utm_medium=link&utm_content=story_info&wp_page=story_details_button&wp_uname=THE_5_KINGDOM&wp_originator=HG5uZxi%2BxwCa2Tz9147016yj8tmLZ5cs5aUc7DYQfLIeZxNW5v3mrRooBUTi%2FxKmTr1BWJ04HLcN8WH2TVCKtslBtCvvUp4XVproIkBLIeWGmzeWFcw67ecguxoxgrYa

السنه الجايه 
          عحم عحم 
          _ زهراء رح تحس بالمسؤوليه اكثر على نفسها 
          _زهراء رح تعرف شنو تكول وشنو ما تكول من تحجي وي الناس 
          _ زهراء راح تتغلب على دوماب وتروضه , او تعيش وياه بكرامه 
          _ زهراء حتسرف اكثر واكثر واكثر واكثر 
          _ زهراء حتعرف ستايلها  
          _ زهراء حتكون انجليزيتها فل مارك 
          _ زهراء رح ترتاح بالنوم بالطريقه القديمه 
          _ واخر شي زهراء رح تصنع قوانينها بدوم كسر مبادءنا
          بعد سنه ردي علي 
          وكلتلي شنو رايج عني هسه 
          واني داكتب ما اتخيل شعور انو انت دتقرين وانتي سادس
          اتمنى للسيرفرات متتعطل ويبقى هالكلام يتنفس , لكني اكتب واني اعيش كالخنفساء واعرف تتبعات هالموضوع 
          دوماب اتعبني  رح يرجعني للصفر 
          لكن حتى لو رجعنا للبدايه  
          ابدا ما رح يكون صفر 
          وراح تكون خفه

احم احم  اعذرني 
          تاخرت عمدا لان مجان عندي مشاعر 
          نشوف هسه 
          _زهراء السنه الجايه حتقلل اهتمام براي شخص معين
          شي حلو ان اي قل اهتمامي بهواي عن قبل 
          _تكره وتحب اكل ما نحس طعمهم كله بلاستيك 
          داحس صرت احب الاشياء اللاذعه والمره ✨واتوقع داقلل اكل رز 
          _توازن بين للدراسه والمتعه بدون متدخل  كابه نفس الكورس الاول 
          اكثر شي فشلت بيه لا ما عرفت اوازن  حاليا 
          _تمشي مع ناس تفضلهم او ما تمشي مع احد 
          تقدمت بس ما اعرف وي النقطه الي جنت اتخيل اوصلها ,, بس الي وصلته بعيد عن الي زهراء رادته  
          _تنسى  بسرعه 
          ما اعرف والله شنو احجي ,, ما اتذكر شنو تريد زهراء من حجت هالشي ,, بس اذا على احساسي اتوقع انها تقصد اني اعبر واقلل تعلق وابدي بخفه , وانا لازلت فاشله 
          _ ترضي نفسها 
          انا راضيه اكثر الحمد الله ,, ولكن مو مثل ما ردت 
          اشوف كم حققت ,,,يبدو جيدا وتغيرت 
          رايي عنك يا زهراء انك انسانه تركت افضل المشاعر حيه قبل ان تميتها , عاشت لحضات خططتها وتخيلتها , شكد ما كانت هاللحضات تعيسه بمذكرتي القديمه , لكني اشتاق لايامك , واريد ارجع خفيفه , بالطريقه الي ضنيتيني راح اوصل لها , لكنك اقرب الها 
          

كل عام وزهراء بخير

انا جالسه هنا اتامل كل شي يمر امامي 
          حاولت امد ايدي واحرك بس كلشي ميتاثر 
          وكانو الكون ميراعي مشاعري ويعترف اني مموجوده بقسوه كدامي 
          واني ما اكدر اسوي شي حتى لو طلع الشي الي اخاف منه 
          ممنوع علي البكاء 
          وممنوع التاثر 
          وممنوع التفكير بجديه 
          وانا ما اعترض هذا مريح الي ويخلي حزني شي محوري بايامي 
          ولما اضل مهمومه بمشاكلي النفسيه والي يصير اذا ما حليتها وشلون اعيش بدون ما اغيرها 
          تجي الامتحانات والاهل والناس الي حواليه وتشغل باليوم وما اعرف منو اخف ومنو اسوا 
          "اي حياه هذه " "انا في الضلام هنا " 'انا اعيش في الضلام" 
          

امس جان عيد ميلادي 
          عيد ميلاد هيل بمعنى اصح 
          ولدت 2019/10/9 
          وانا اليوم احتفل بعامها الثالث 
          احتفال اليوم كان وجع راس 
          ما يحس احد بيوم ميلاده انه يوم مميز 
          مو كان جيناته تعرف اليوم عيد ميلادها وتحس كانها كبرت 
          لهالسبب مو كان هذا التاريخ يعني اي شي لها  لكنه رغم كل شي يعني شي لي 
          لاني ما اتذكر اني كنت شمس ويمكن ذهياني لعب دور باني اشوف حقبتي الصيفيه كحلم مشوش لطيف
          لكني متاكد مليون بالميه اني كنت هيل لان ذكرياتي الحقيقيه وقتها 
          واعتقد ان البنت المترفه الموجوده وقتها الانانيه هي كانت المعنى لهيل 
          ولما صرت اعطي معنى لها فاني طلعت منها وصرت شخص اخر ما اعرفه لو كنت انا السابقه 
          لذا رغم اني هيل وهيل هي انا 
          لكن نحن الاثنين ما نعرف بعضنا 
          هذا الي مثلته اش وهيل بالقصه 
          فأش رغم حبها الكبير لهيل والشله ما تقرب لهم 
          وهيل لاحترامها الكبير لاش اعطتها راحتها بالمناسب لها 
          فهم معارف من بعيد 
          اشقاء افكار 
          وحتى بعد زواج هيل وحصولها اباردس وموتها واعتلاء ابنها الحكم وموته واعتلاء حفيدها الحكم ثم موته وحكم حفيدها الاصغر ثم ثوره الازرق الكناني
          كل هذي الاشياء متعلقه بهيل حتى وهي ميته 
          واش خالده فكانت موجوده بكل هذي الاحداث 
          لكنها ما سوت اي شي 
          لهالسبب اقول انه بينهم علاقه وهم ما بينهم علاقه 
          والموضوع يطبق علي انا برضو وهذا هو لغه الحب والاهتمام الخاصه فينا وفيني 
          بين هذول الثلاث فالي يكتب هو نيجا 
          ونيجا مو ببعدهم ولا احتكت فيهم 
          لكنها تعرف وهم ما يعرفوها 
          كل ما اتعمق وانا من بعيد احس نيجا تشبهني اكثر 
          وكل ما تشبهني اكثر يبين كل هذي الاشياء كانها كتاب من مخيلتي زيها 
          مين يعرف اذا هذا سيء او جيد 
          عيد ميلاد عزيزتي البناءه 
          المثاليه والافضل 
          ام الملك وصديقه الثائره وابنه غراب الموج 
          والمدفونه لكنها رسمت الكثير 
          ليدرس

وت افر بوي 
          الفساتين بالبنترنست جدا جميله
          كلاسيك فنتج بالوان خريفيه توصل لين الركبه بحذاء كعب ما يكشف القدم وقبعه بدانتيل قصير على يسارها وحقيبه يد مربعه صغيره 
          ستايل المتزوجات في زمن ما الزمن الي كان كل الي تسويه النساء الغنيات هو الحب والاعتناء بالاطفال والتمتع بملذات الحياه من كعك واثواب المصممين المعروفين الي تلبسهم بحفلات للطبقه المخمليه وابناء العوائل المعروفه 
          تصادق الزوجه قبلا في فتره عزوبيتها عددا من الرجال الي يقتصر الكلام بينهم بجمل عن العمل وتكون مع ذلك يصير يضمر لها مشاعر وهي تضحك بخجل من صحيباتها الي يقلولها كلام انه حبيبها 
          حياه مقتصره على مربع باربع امتار يخيل لها انه كبير بسبب بيتها الواسع والقاعات والواسعه والحدائق الخاصه
          لكنها لين ما تخلص حياتها تدرك انها ما عرفت غير اطفالها واناس متشابهين لحد كبير وقرئت كتب الكل قرئها وتزوجت شخص توهم لها انه حبها 
          وهي عاشت كما كل صديقاتها 
          وهذي هي افضل عيشه ممكن احد يخوضها وقتها 
          لو افكر فيها البنت حمقاء ومتوهمه بكل الزوائف حواليها 
          لكن الزوائف الي حواليها هل كل شي تمنيته ورح اتمناه واتخيل نفسي فيه 
          صديقتك انيجا