عَالم الأصدقاَء

          طرف ثالث دخل بيناتنا يحلهه
          هاي المرحلة الما ردنه نوصلها
          الظل و الضوه اکثر علاقه تدوم
          لان ماكو مجال لبشر يدخلها
          و احنه اهل العلاقه المثل باب السوك
          اي واحد يجي يكدر يطبلها
          علاقتنا حمامه و ترفس من صواب
          اذا عندك سهم سويها و اكتلها
          برد گلبي و بعد ما يستفزه الليل
          و الناس التشبهك راح ازاعلها
          و الهدوم الجنت البسها و امشي وياك
          اليوم ويالرسایل تحترگ گلها
          رجعت اعله الرسايل مال اول يوم
          لكيتك حتى ال شلونك مغازلها
          و شفت منك رساله تبچي من الشوگ
          معقوله انت نفسك چنت كايلها ؟
          ما اغلط بعد و اتعلق بأنسان
          *وصداقات الجديدة ماستقبلها*
          

دردشة الأصدقاء.cc