Isinilang sa Masbate, lumaki sa Samar, at hinubog ng mga taon ng pagtanda sa Negros-tatlong lugar, tatlong tanawin, at napakaraming kuwentong naging bahagi ng aking imahinasyon.

Malaki ang impluwensya sa akin ng "kuwentong-bayan, alamat, at mitolohiyang Pilipino", lalo na ang mga kuwentong ipinapasa mula sa isang henerasyon patungo sa susunod. Pinagsasama ko ang mga ito sa aking imahinasyon upang lumikha ng mga kuwentong may hiwaga, kababalaghan, at mundong maaaring hindi natin nakikita-ngunit maaaring umiiral sa isang lugar sa pagitan ng realidad at guniguni.

 Isang manunulat na patuloy na nadidismaya sa sarili dahil mas maraming kuwentong nasisimulan kaysa natatapos.

Ngunit patuloy pa rin akong sumusulat.

Dahil baka sa dulo ng bawat kuwentong hindi ko natapos, may isang mundong naghihintay lamang na matagpuan.