Seasons Boy

အလိုက်သိတဲ့မိုး
          သူမကိုလွမ်းနေတာမှန်းသိလို့
          မျက်ရည်မိုးတွေရွာသွန်းပေးနေတာ
          ကျွန်တော့်အလွမ်းမျက်ရည်တွေသယ်ဆောင်ပြီး
          သူမပေါ်ရွာသွန်းပေးစမ်းပါဗျာ
          ဇိမ်ခံကားကြီးပေါ်ကသူမ
          အလွမ်းမိုးတွေခံစားတတ်ပါတော့မလား
          နေပါစေတော့ဗျာ
          အလွမ်းမိုးတွေထိသွားရင်
          အရင်လိုပဲ ကျွန်တော့်အပေါ်
          အပြစ်တွေမြင်နေအုံးမယ်
          ကျွန်တော့်အလွမ်းတွေအသိအမှတ်ပြုတဲ့
          မိုးမင်းကြီးသာ မိုးတိတ်ပေးပါတော့ဗျာ
          ကျွန်တော်ရင်တွေကွဲတော့မယ်
          အလွမ်းတွေထန်နေပြီမိုးရယ်
          မရက်စက်ပါနဲ့တော့
          အလိုက်သိတာတွေရပ်လိုက်ပါတော့မိုးးးးးးးးးး
           
                                                                ကြွေမခ
                                                               7.11.2024

မမြဲသောအရာတွေခြားထဲ
          မင်းကိုသတိရခြင်းက တည်မြဲနေဆဲ
          အော် ဝေးကွာခဲ့တာ ဆယ်စုနှစ်တခုရှိခဲ့ပြီပဲ
          မင်းလေးဘယ်ဆီရောက်နေမလဲ
          ရေနံကောလိပ်မှာ တို့ရင်ခုံသံတွေဆူခဲ့ကြတယ်
          ရေနံမြေဘယ်လောက်ပူပူ
          တို့နှစ်ယောက်ပျော်နေခဲ့ကြတယ်
          စာသင်ချိန်တွေ တူတူပျက်ခဲ့ကြတယ်
          ကန်တင်းမှာမုန့်တူတူစားခဲ့ဖူးတယ်
          ရေနံဂေါက်ကွင်းကမိုးရေထဲ တူတူဆော့ခဲ့ကြတယ်
          အဲ့အချိန်မင်းအပြုံး
          မိုနာလီဇာရှုံးလောက်တယ်
          valentine day ဝတ်စုံတွေတူတူဝတ်ခဲ့ကြတယ်
          နှစ်နှစ်လုံး ပျော်စရာတွေအပြည့်ပဲ
          နောက်ဆုံးနှစ်ရောက်မှ
          ကိုအသည်းကွဲခဲ့တာ
          ရင်ခုံသံနဲ့ချစ်တဲ့ကို့ကို မင်းဘေးချိတ်ပြီး
          အင်ဂျင်သံနဲ့မြူဆွယ်တဲ့ကောင်နဲ့မင်းတွဲခဲ့တယ်လေ
          အချစ်စစ်လိုထင်ခဲ့တာ ခုတော့တခြားစီပဲ
          မင်းတော်ပါတယ် လွယ်လွယ်မေ့နိုင်လို့
          ကိုတော့ခုထိညံ့နေတုန်း မမေ့နိုင်သေးလို့
          မင်းအပြုံးတွေအောက် ကျရှုံးနေတုန်းပဲ
          ရိုးသားစွာချစ်ခဲ့ရသူမို့ သတိရနေအုံးမှာပါ
          မင်းပျော်နေရင်ကျေနပ်နေသူမို့
          ဘာပဲဖြစ်ဖြစ် မင်းပျော်နေပါစေဆုတောင်းဆဲပါ
          ခုချိန်မင်းဘယ်ရောက်လို့ ဘာဖြစ်နေမလဲ
          သိချင်လိုက်တာ ဝူးးးးးးးးးး
          

အပြုံးတပွင့်ရဲ့စွမ်းအား
          မီးတောက်တွေလေပြေလေးလို
          အပြုံးလေးရဲ့ပိုင်ရှင်ဖြစ်လိုက်ချင်
          ငါသိတဲ့နိဗ္ဗာန်က သူ့အပြုံးပဲ
          တခေါက်လောက်ထပ်ဆုံပါရစေ
          
                                         ကြွေမခ

   သန်းခေါင်ယံညစာ
          
          
          သူမကိုလွမ်းနေလိုက်တာ သန်းခေါင်ယံရှိနေပြီပဲ
          အလွမ်းတွေနဲ့ သန်းခေါင်ယံညစာ သူမကိုလွမ်းတာ
          အာဟာရဖြစ်နေတာလား ငါရှင်သန်ရအုံးမယ် နောက်နေ့လဲ သူမကိုထပ်လွမ်းချင်လို့ပါ အလွမ်းတွေ အဖော်အဖြစ် ချန်ထားပေးခဲ့လို့ ကျေးဇူးပါ သူမရယ် အလုပ်ပင်ပန်းတာရယ် သူမကိုလွမ်းတာရယ်ပေါင်းလိုက်ရင် ညစာတွေမေ့ကုန်တယ် တွေးရင်ရယ်မိတယ် ရင်ထဲမှာတော့ သူမကိုမြင်ယောင်နေတုန်း မနက်တောင်လင်းတော့မယ် အိပ်ပြီ သန်းခေါင်ယံညစာလေးရယ်
          
                                                                  ကြွေမခ

သို့အတိတ်က....အနာဂတ်သို့
          
          ကိုယ်တိုင်ရှာဖွေခဲ့တဲ့အချစ်တွေ
          အလိုလိုရောက်လာတဲ့အချစ်တွေ
          ငါမရှိရင်မနေနိုင်ပါဘူးဆိုတဲ့သူတွေ
          သူမရှိရင်ငါသေမှာပဲလို့ရူးခဲ့တာတွေ
          ဒီအလုပ်မှာပဲမြဲမယ်ထင်ခဲ့တာတွေ
          သူ့ကိုယုံကြည်မိတဲ့စိတ်တွေ
          ဘာတခုမှမမြဲပါ့လား............
          ငါ့နှလုံးသားလေးရင့်ကျက်ခဲ့ပြီ
          အော် ငါမေ့နေခဲ့တာပဲ
          ငါ့ဦးနှောက်ရင့်ကျက်ဖို့
          ဘာလို့မကြိုးစားမိခဲ့တာလဲ
          ခံစားချက်တွေဦးစားပေးခဲ့မိတယ်
          ငါ့ကိုငါမှမချစ်ခဲ့မိတာ
          ဘယ်သူမှငါ့အနားမမြဲတာ
          မဆန်းတော့ပါ့လား......
          ခိုင်မာအောင်တည်​ဆောက်ရမယ်
          များများလေ့လာရမယ်
          အခက်အခဲတွေနဲ့ပေါင်းသင်းမယ်
          ကြိုးစားမှုနဲ့ရှင်သန်မယ်
          ငါ့စိတ်ငါနိုင်ရမယ်
          အောင်မြင်မှုမရမချင်း
          နှလုံးသားသော့ခတ်ထားရမယ်
          နေ့ရက်တိုင်းအဓိပ္ပါယ်ရှိရမယ်
          အသီးစားဖို့အပင်စိုက်မှရမယ်
          ဟုတယ်ပြောင်းလဲပစ်ရမယ်
          မအောင်မြင်ရင်တောင်
          အတွေ့အကြုံရတာပေါ့
          ကိန်းအောင်းနေတဲ့
          စိတ်စွမ်းအားတွေ
          အချိန်မှီထုတ်သုံးရမယ်
          ရသမျှလက်တွဲခေါ်မယ်
          အနာဂတ်ကိုစိန်ခေါ်မယ်
          ဘာဖြစ်လာမလဲ?????
          
                                      ကြွေမခ