soh_s6
هاي✨
مش عارفة اكتب المعلومة دي فين تاني علشان كل الناس تكون عارفاها
يعني دايماً بقولها في ال stories ع الانستا.. ودايماً لما بنزل تنويه هنا مع فصول الرواية بقولها.. وكمان قولتها هنا في أول تنويه نزل قبل ما الفصل الاول ينزل أصلاً يعني من قبل ما الرواية تتنشر المفروض إن اللي قرر يكملها ويقراها بيعمل كده وهو فاهم ده وموافق عليه
الرواية ملهاش مواعيد ثابتة ووضحت أسباب ده
وده كان بهدف إن كل شخص يقرر من البداية إذا كان مناسب له يتابع النوع ده من النشر أو لا.. واني اكون واضحة معاكم من البداية
مش ييجي كل شوية يقولي انتي المفروض تلتزمي بمعاد وانتي المفروض تقولي معاد ويزعل ويتقمص لما يلاقيني برد بطريقة ناشفة
آسفه بس انت اللي المفروض تختار المناسب ليك
الكتابة مش مهنتي ولا وظيفتي.. ده شيء بعمله في وقت فراغ.. النهارده عندي ساعة فاضية.. بكرا معنديش.. بعده عندي اليوم كله فاضي وهكذا.. فبالتالي مقدرش احدد هخلص الفصل في قد إيه ولا اقدر اوعد بسرعة معينة
اللي حابب يكمل معايا أهلاً بيه
واللي نظام النشر ده مش مناسب له فمن حقه يوقف قراءة.. لكن مش اتعرض لهجوم أو قلة ذوق بسبب حاجة أنا موضحاها من البداية.. لأن دي اسمها قلة أدب
انا مش بفرض على حد حاجة خالص .. حتى لما بطلب التفاعل بطلبه نظير تعبي في الكتابة.. لأن ايا كان الفصل خد وقت قد إيه أو نزل امتى فأنا في كل الاحوال بتعب فيه .. وبرده لما بطلب التفاعل بطلبه من (الناس اللي بتقرأ الرواية وحباها وموافقة على نظامي)
لكن اللي معترض على حاجة ده مش بطلب منه تفاعل اصلا ده بالعكس بطلب منه يشوف حد غيري يقراله.. لأن لما بطلب تفاعل بلاقي ناس داخلة تقولي عايزة تفاعل وانتي بتتأخري عايزة تفاعل وانتي كذا كذا .. حبايبي انا مش عايزة تفاعل من اللي عنده اعتراض على حاجة أصلاً! النماذج دي عايزاها تحل عني.. انا لو بيقرالي عشرين واحد هبقى مبسوطة وهطلب التفاعل من العشرين
Miya_xo
@ soh_s6 وأحنا بنتناقش على الانستا وبنتكلم فى الأحداث والأحداث مش بتتنسى أصلا لميعاد نزول البارت الجديد وسهيلة بتنزل اسك على طول وبتتناقش فى الأحداث ومش بتزهق من الأسئلة وحقيقى مشوفتش كاتبه فى زوقها ولا فى التعامل فليه حد يضايقها هى موضحة حاجه من الأول نحترمها واكيد مش هنمشى نظام حياتها فمتقفلوهاش بقى معلش
Miya_xo
هى كانت واضحة من الأول فنحترم موقفها وبعدين مشاء الله البارت إلى بتنزله ب4 بارتات من أى روايه تانيه
Miya_xo
@ soh_s6 براحتك يا قلبي إحنا معاكى والنماذج دى سيبك منهم ومن حقك تطلبى تفاعل وأى حد بيقرأ الحلاوة دى أكيد هيتفاعل ويقول رأيه من الآخر إلى عاوز مواعيد للرواية ومش قادر يصبر يقرأ روايه تانيه لغاية ما دى تكمل يقرأها براحته لاكن محدش يسوق قله الأدب على الكاتبة محدش من حقه أصلا
