BOSY20820
السلام عليكم
أتمنى تكوني بخير
أنا رحلتي في الثانوي هديكي خلاصتها ، الموضوع سهل جدا بس استعيني بالله و اعملي اللي عليكي و النتيجة على ربنا ، اللي بيذاكر بيلاقي
١ خليكي مع ربنا و صلي و ادعي و قيمي اللي و اقرئي قرآن و اتقي الله في مذاكرتك
٢ لو تقدري تخلي مامتك تساعدك و تتابعك يبقى زي الفل
٣الدرجات مش مقياس لآخر السنه، سواء كانت شوامل أو امتحانات عاديه ، كل اللي عليكي اللي تغلطيه راجعيه باستمرار لتجنب الخطأ مرة أخرى
٤ خلي معاكي سكيتش لكل ماده ، يعني انا الكيمياء لغايه دلوقتي عامله لها ثلاث كراسات واحده عامة وواحده عضويه وواحده بتاعه المراجعه ، الكراسات
دي في الفترة بتاعت المراجعات دي اللي هتبقالك و دي اللي هتقدري ترجعيلها بجانب المذكرات ، اي ملحوظة اكتبيها
٥ اختارتب اون لاين فانت لازم على مسؤوليتك الشخصيه تكوني ملتزمه بنفسك وتخلي حد يفكرك بالحاجات الناقصه عليكي وكده ويكون عارف ايه اللي ناقصك واللي مش ناقصك في اقرب حد للمهمه دي هي مامتك
٦ لو هتنزلي سنتر فاختاري ميعاد مثلا يكون ٩ الصبح بلاش دروس الظهر والعصر دي وكمان يستحسن يكون السنتر قريب من البيت
٧ تسمعي كلام المدرسين في اي حاجه بيقولوها
٨ انتي خلاص نويتي المذاكره فتدي التليفون لمامتك ويكون انت والكتاب بس والكراسه وتقعدي بقى تذاكري بصوت عالي ، اياك ثم اياك المذاكرة الصامته
٨ التابلت اللي هتسمعي عليه الدروس او اللاب توب ايا يكن تمسحي من عليه اي حاجه ليها علاقه بالسوشيال ميديا بس تسيبي اليوتيوب والتليجرام وبس
٩ الدرس اللي تذاكريه حلي عليه في ساعتها
١٠ اصحي من الفجر و نظمي وقتك قبل ما تنامي تحددي هتعملي ايه بكرة
١١ اللي بيعمل مبيقلش و اللي بيقول مبيعملش
١٢ الصحبة الصالحة ، أكيد انتي فهماني ، ابعدي عن المحبطين تماما
في كتير نصائح بس الوقت مش مساعدني ، لما أفضى هكتبلك تاني بإذن الله
ادعيلي ادخل طب بشري
اي استفسارات قوليها و أنا هرد عليكي ، أنا بسملة ، و انتي اسمك ايه ؟