رومانسي حنون



صباح الوطن والحب والأمل
صباحكم عراق موحد وعظيم
صباح الأنتصارات

صحيح اتغربت بس الوطن بية
وصحيح الدنيا ظلمة وناسي مو هية..
بس وداعتك يابو العيون العيون السود
ترس روحي أمل وأحلام وردية..
بعد ما أقبل يرسموك دمعة بعين
ولا شاب بعلم ملفوف يومية..
لارسمك بس خضار وعافية وضحكات
والغي دروبك الما بيها كل جية..
عرفت معزتك من امي حلفت بيك 
من ضمتك جوة الشيلة ترچية..
من گالتي هاي الگاع للثوار
من وصتني أبد ما گول شعلية..
يا هلهولة وشمع للرادوا يعرسون
ويا أول كحلة تمشي لعين بدوية..
يل عطشان لو بيدي أخضّر بيك
بس مشكلتي كل دموع ما بية..
وصح غيرك وطن ينطينا دنيا وگاع
بس انت الوحيد التنطي حنية..
تعرف ليش أحبك يا وطن للموت
لأن عاشگ بگاعك أول بنية..