t7lklk

دايما تلاقيهم بيقولو متسمعش الحكاية من طرف واحد
          او متشوفش الموضوع من وجهة نظرك انت بس وحاول تتفهم
          التانيين 
          بس احيانا بنبقا مش محتاجين نسمع أصلا 
          وبيبقا كل حاجة قدامنا واحنا الي مش شايفينها 
          بداعي الحب او الصداقة ممكن يكون بداعي البدايات 
          بس دة مش معناه ان طول الوقت مسمعش غير نفسي بالعكس
          مع التجارب الي عشتها والي هتعيشها هتعرف بنفسك
          امتى تسمع وامتى لا حتى لو جيت في يوم
          وقررت متسمعش كدة كدة الحقايق هتلاقي مجراها
          وتظهرلك 
          بس ممكن تظهرلك بعد فوات الأوان وممكن تظهرلك في وقتها 
           مش هنقدر نعمل حاجة للموضوع دة غير اننا نتعلم من الي فات
          بس اهم حاجة تفتكر ان 
          الحياة قطر و الناس ركاب

مش عارف قد ايه هيتشاف البوست دة بس انا مش مهتم بحاجة قد اني بس عايز اطلع الي جوايا من غير ما افكر ولا اتردد 
          يمكن الكلام هيلمس قلوب البعض ويمكن البعض هيشوف انه كلامي مفيش منو فايدة بس انا هقوله وخلاص .
          انت مش فاشل ولا أنت وحش حتى لو عملت حجات وحشة كتير فاعرف انه مش غلطتك انما غلطتك انك تكمل في الغلط دة وانت عارف انو غلط .
          مفيش شرير اتولد كدة دة مآسي الحياة هي الي خلته كدة اكيد هو اخد طريق غلط بس الطريق دة منين مرجعت منه فهو ربح ليك ولناس كتير غيرك 
          ونصيحة كمان من غريب لا تعرفه و لايعرفك : اوعا تحكم على حد وانت مسمعتش منو لان مفيش حد بيعمل حاجة منغير سبب حتى لو هو قالك كدة حتى في قصص الأطفال دايما بيكون في شخصية شريرة واحنا بنكرها لأننا سمعنا القصة من الشخص الطيب طب ايه الي هيحصل لو كنا جربنا نسمعها من الشخصية التانية الي احنا حكمنا عليها مش يمكن مفهومنا دة يتغير 180 درجة 
          حاول تبص على الي بيحصلك من طرف تاني 
          واوعا تيأس ولا تزعل