دليتك على الفرح يال علمتني
البجي ولو تدري ياصاحبي صدري شكثر بي حجي من كثر ما مبتلي الساني بسكوته اكتفى مشكور ما قصرت فضلك ببيش اوصفه ؟
بصدري غرزت الرمح
وتحطلي سم على جرح وتكلي بيه الشفه
بكل هذا ما يقتنع،
كلبي ويحسبك وفي..
شكد غشيم الكلب يترجه منك وفه..
حاولت اصد النفس،
عنك واغض النظر..
وامحيك من خاطري وعلمت كلبي الجفه..
وعاند وياي الكلب!
لمته ونهيته وبقه متمسك بموقفه، والروح زعلت عليّ… ما ترضى تتجاهلك .
وياك ضدي صبحت شو روحي متحالفه..
حقك اذا تكبرت, لو عاملتني بعفه..
كلبي بشباكك وكع..
فراشه غرها الضوه.. لبعيونك وامنت..
وتفاجئت من لكت جنحانها مجتفه..
جا شرد اكلك بعد،
واندهلك بيا صفه..؟ وانت اقرب من النفس..
ومن شفتك اني الحزن من كل حياتي اختفى..
يا سلوتي ومنيتي..
يابسمتي ودمعتي..
يا مالك العاطفه..
يا اترف من الورد..
بس يمك انت انسعد..
من مرني طيفك بَرد ..
حضني على ثلجك دفه..
جا شرد اكلك بعد،
واندهلك بيا صفه..
وعيوني لو شافتك..
تفترسك من الولع..
جن بيك متحلفه..
ونوعين هو العشك لو نسمه لو عاصفه..
شكلين هو العشك..
لو نسمه لو عاصفه..
