စာဖတ်သူများအတွက်

၂၀၀၉ ခုနှစ်ကနေ စာရေးခဲ့ပါတယ်။
Thawtar Linn (3miles) ဖြစ်ပေါ်လာတာဟာ နောက်ဆုံးအတည်ကျတဲ့ ကလောင်တစ်ခုဖြစ်ပါတယ်။ ပထမစစရေးတုန်းက (၃)မိုင်ဖွားငယ်သိန်း၊ ရဲရင့်စစ်သူကြီး၊ မျိုးမောင် ဆိုတဲ့ကလောင်တွေနဲ့ စခဲ့ပါတယ်။ ကလောင်ကို သဘောမကျမိခဲ့ပါဘူး။ တစ်နေ့ ညဘက်လမ်းလျှောက်ထွက်ရင်းနဲ့ စာရေးတာဘာကြောင့်လဲမေးခွန်းကို အချိန်ကြာကြာ တွေးခဲ့ရပါတယ်။ လမင်းကို မြင်ရင်းနဲ့ လမင်းရဲ့အကျိုးအာနိသင်ကို တွေးမိတော့ သော်တာ (လမင်း) ဆိုတာ စရတယ်။ မွေးရပ်ဇာတိတွေမှာ ထွန်းထွန်းပေါက်ပေါက် မရှိတာနဲ့ မွေးရပ်ကို အစွဲပြုလိုက်တော့ (၃)မိုင်ပေါ့။ မွေးရပ်ဇာတိမှာလင်းတဲ့ လမင်းပေါ့။ အဲဒီထက် နေရာအများကြီးမှာ ပိုလင်းလက်စေချင်မိပါတယ်။ ဒါနဲ့ Thawtar Linn (3miles) လို့ အမည်သတ်မှတ်ခဲ့တာပေါ့။အခြေအနေအမျိုးမျိုးကြောင့် စာရေးဖို့ ပျက်ကွက်ခဲ့ရပါတယ်။
ဒီနှစ်တွေမှာ Mm bookshelf ၊ WunZun ၊ Wattpad  ၊ Facebook ၊ Twitter  ၊ Telegram ၊ Whatsapp ၊ Median အစရှိ App website တွေမှာ စာရေးခဲ့ပါတယ်

အခုလက်ရှိမှာလည်း ကြိုးစားလို့ရေးသားဆဲပါ။ ထုတ်ဝေသူတွေကို အကြိုက်တွေ့စေမယ့် စာမျိုးတွေ ရေးနိုင်အောင်လည်း ကြိုးစားနေပါတယ်။ အခုအချိန်မှာ စာအဟောင်းတွေကို ပြန်တည်းဖြတ်နေပါတယ်။ စာသစ်တွေလည်း ရေးသားနေဆဲပါ။ ကျနော် Thawtar Linn (3miles) ဟာ စာဖတ်ဖို့ပျင်းသူဖြစ်ပါတယ်။ စာဖတ်သူတွေဘက်ကနေ ခံစားပေးထားပါတယ်။ ဝါကျကို တိုစေချင်ပါတယ်။ အပိုဒ်ကို တိုစေချင်ပါတယ်။ အခန်းကို နည်းစေချင်ပါတယ်။

စာရေးသူတွေဆိုတာ သိပ်အမွမ်းမတင်ခံရမှန်းသိပါတယ်။ ဒါကြောင့် ပြင်ပအလုပ်ကို အဓိကဦးစားပေးရင်းနဲ့ စာရေးသားပါဦးမယ်။ တစ်နေ့နေ့ပေါ့ ဘယ်ကမဆို ထုတ်ဝေဖို့ ဆက်သွယ်လာမှာကိုလည်း ကြီးကြီးရည်မှန်းမိပါတယ်။ ဆက်သွယ်လာသမျှကို ကြိုဆိုချင်ပါတယ်။ ရိုးရိုးသားသားနေမယ်။ စာတွေ ဆက်ဆက်ရေးမယ်။ တစ်နေ့နေ့အတွက် ဒီစာကို ရေးမှတ်ထားလိုက်ပါတယ်။

တစ်နေ့နေ့ ဒီလောကမှာ ဒီစာကို ရေးခဲ့သူတစ်ဦးက ဘယ်လို ရှင်သန်ခဲ့ပါလဲ။ ဘယ်လိုပျောက်သွားခဲ့ပါလဲ။ ငါတို့ရော ရှင်သန်ပြီးရင် ပျောက်ကွယ်ရမှာပါလားလို့ အတွေးတစ်ခုလည်း ကျန်ရစ်စေချင်ပါတယ်

Arakanese Writing ရောပဲ နောက်ပိုင်းဖြည့်စွပ်ရေးသားလာရတာဟာ ရခိုင်စာပေဘက်ကိုလည်း အလေးထားကြောင့်ဖော်ပြလိုက်ပါတယ်။ ရေပြီးသားစာတွေတိုင်းကို ရသလောက် ရခိုင်စာပေဘက်ကို ဘာသာပြန်ရေးသားရပါဦးမယ်။

Anniversary Day of Today 
၂၀၂၅ ၊ ၆ ၊ ၄