عَدَمْ

هذا الحساب يحسسني بأحساس مزعج 
          فيمكن هم مصيرة ينحذف

كم لبثنا...

العلاقات بكل أنواعها وتحت أي مسمى تندرج 
          هي فقط إستنزاف للطاقة والمشاعر والوقت 

الصديق صح وجوده مو ضروري كلش 
          بس يساعد إني اكمل يومي بشعور جيد عالاقل

 اني كلتهة قبل راح تكون سنة دراسية مليئة باللعبان نفس 
          اريد افرغ خزينة الوضع البائس هنا 
          لاحظلي عزيزي النواطن شلون دا اتسابق وية الوقت وحاليا الساعه ب١:٥٥ لازم اكمل ب٢ ضبط 
          اي المهم ... 
          ااا نسيت الحجي يا الله 
          ولو هو منين يبدي الواحد ومنين ينتهي يا الهييييي 
          القرف واصل مرحلة عندي اليوم ماعرف شلون سويت الحجاب وشردت من القرف بس اريد اطلع استنجد بأي سيارة تاخذني للبيت 
          من بعد التلوث البصري والسمعي والمعنوي وكل شيء
          انت اذا هيلك+عندك عرف بالمدرسة راح تمشي امورك خوية مينخاف عليك حبيب گلبي أما اذا جاي على حب الله والوطن ماراح تحصل شي درجات بمصالح حب بمصالح توفيق بمصالح بس يخسون ينطوني الدرجات وينطوني استحقاقي ورجليهم فوك راسهم ! 
          راح يخلص الوقت ميكفي شخص عنده لغوة هواي يدرسهة 
          بس ثواني باعو هذا الموقف 
          استاذنا الظريف جان يريد يشرح معنى كلمة tan ( ايع ماريد احجي ) 
          شوفوا الظرافة كال هاي معناهة شخص اسمر يعني شبيكم واحد ابيض وكف بالشمس صار اجرب (: 
          العتب مو عليك العتب على الي انطاك موهبة وعلم 
          حرامات ننذل علمود العِلم رفعة ونطلب العُلا هذولة زين اذا طلعت بكامل اخلاقك من درسهم 
          نرجع بعدين نكمل ثيمالا.

الاختناق⬆️⬆️⬆️

*تدعي انها تختم الانكلش باجر*

وإن عادوا لك المقاهي القديمة 
          من يعيد لك الرفاق 
          
          هو ولو عمرنا ماكاعدين بمقاهي .. بس المعنى بقلبي 
          سنة عن سنة دتقل الدائرة الاجتماعية مالتي ههه 
          علماً ان الدائرة ماكملت طول عمرها ، 
          اوكي هي مالهة دخل بمسئلة النضج والامور هاي ، اله دخل اكشلي بس بسيط 
          يعني بالنهاية كل شخص يروح لطريق ...
          ( ديم هسة الوالدة سألتني سجلي خط حتى  تصير عندج رفقة طريق ) 
          امي هل انا شكولي شكول رفقة طريق اذا أگضيهة اباوع عالجلب بالشارع لو الناس لو المظاهر الغريبة 
          المهم هالسنة راح تصير مليئة بالتشرشح كولوا ماكلت 
          نتمنى لأنفسنا صفاء الذهن والانشغال بمشاكلنا والخروج باسرع وقت والتخلص من كل الوجوه البائسة ووجهنا اولهن
           
          مع السلامة 

https://youtu.be/hLQl3WQQoQ0 
          
          Night full if missing...

قبل فترة بنية نشرت على الانستا كلام 
          وگفت عنده للحظة
          گالت " هالفترة انُ هي تحِن او تفكر بالماضي وتشوف متعة انُ ترجع تستذكر ماضيهة واحداثه سواء حلو او لا وشلون هي غارقه بالماضي لدرجة ناسية حاضرها والمستقبل مالتهة "
          
          شفت نفسي بهالأسطر القليلة غالباً والغالباً يعني تلث ارباع الوقت افكر بالماضي والربع الباقي اوزعه على الحاضر والمستقبل 
          فجأة الگة الابتسامة على وجهي واسرح بعيد واني افكر بكلشي قديم ، او من اسمع اغنية قديمة 
          الشوگ لكلشي قديم يترسني 
          شعور من الحضن الدافي الي مامجربتة 
          والگهوة والحليب الدافيات 
          هذا هو الماضي رغم بشاعة ايامه واوقات جنت افكر شلون راح تعدي وهل راح اعيش بعد؟ 
          بس عدت واني عديت 
          شوق للاشخاص وللناس حتى الموزينة 
          وللأماكن الي راوتنا الويل 
          وللمدرسة الي خلت ثقتنا بنفسنا للحضيض من كل النواحي
          شوق مُختلف إلهن 
          شوق مو رغبة برجعتهن ، لا أبداً بس شوق من بعيد لبعيد.