xhbdjd
بالمناسبة ، طق فبالي سؤال : كانت ايه النهاية ؟
- الساعة اربعه الفجر لو هتسأليني ايه المناسبة
tta774
@ xhbdjd حرق..
تعاركوا كثير إلى أن بيتي أجبرت بارني يتغير شاء أم أباء ولأن يريد يبقى معاها تحمل وحاول يغير نفسه لكن فشل، فقرر ينتحر بالقارة السماوية وينهي الموضوع نهائياً حين حان وقت النزول للأرض السفلية للجميع والاستقرار بها وتدمير القارة السماوية، رحل وترك بيتي تنزل وحدها مع الجميع، لكن قبلها رجع حتى يقولها سبب رحيله... فقال إنه تعبان من التمثيل وما راح يحصل غير الكراهية منها لو بس يحاول يرجع لنفسه القديمة الي على الأقل هي جزء من هويته...فهنا قرر أن راحته أهم وسار للموت.. تركت بيتي حيلها هنا وحاولت تقوله أحبك بكل حالاتك بس أرجع لكنه أصر وغادر؛ لأنه مو بس تعبان منها لا من العالم كله.
هنا قررت بيتي تترك خططها بإنقاذ العالم الي يزعج بارني كله وتروح له، ولما قابلته مرة ثانية ما قالت غير إن يا عالم يخليني اختاره عنك... انصدم لأن شافها وهو على حافة الموت بس ما غير رأيه، بيتي حست بيأس فظلت تقول بأي شيء وأخيراً بعد أربعين فصل اعترفت أنها تحبه، وما يهما أصلاً العالم ولو كان هالك فسوف تهلك معاه! قال لها بارني ترجع وتخليه بوهمه المريض إلى أن يموت، بيتي انرفضت هالمرة وبدل كلمة أحبك قالت له لستة سيئاته وبأخرها 'أحبك حتى بكل ذاك السوء، وما هامني رجعت لنفسك القديمة أو لا، وجودك أهم ورحيلك أوجع، بارني تنهد من شاف الدمع الي بعينها وهي تنطق بمشاعرها قدام أحد لأول مرة، فقال حتى لو تجاهلني العالم بأسره، فدمعة منها تُصب على خديها كانت عالماً بالنسبة لها، ورجع لها ومن نزلوا للأرض السفلية ابتعد عن الناس حتى لا يأذيهم، بهذي السنين كمب زواجهم السياسي وخلفوا طفلة اسمها هانا، عندها مشكلة وي بارني لأن تشوفه غريب اطوار وتأتيها نصيحة 'الأهل أهم، ما راح تعرفين قيمته ألا من يختفي' وفعلا أختفى بسبب الشغل وهنا عرفت أن النصيحة بمحلها، النهاية.
اقيمها ستة من عشرة لأن لازم بارني يموت لو خليناها واقعية، ومو حلو بعد 440 فصل يا الله اعترفت بيتي وصارت أدمية بدون غثة وكلام مزعج عن بارني. ما انصحج تكملينها لأن بيتي غثيثة وأنانية حيل حتى بعد ما حبته.
يمكن احذف الرسالة بعدين لأن حرق جبير
المهم الحمدلله خلصت هاللعنة على قلبي.
