uhhvjji

أوقات بحس حالي محاصرة بين أربع حيطان ساكتين كإنو البيت يللي لازم يكون حضن وأمان صار متل سجن عم يقتلني شوي شوي ضحكات العالم برا بتوجعني أكتر من سكوتي لأني بعرف إني عايشة بوسط مليان وجع وصراخ بدل محبة وطمأنينة
          	
          	كل يوم نفس القصة: مشاكل ما بتخلص أصوات عالية بتجرحني من جوّا نظرات قاسية بتطعنني بقلب وين الدفا يللي بيحكوا عنو وقت يقولوا كلمة "عيلة"؟ وين البيت يللي لازم يحميني من قساوة الدنيا؟ أنا عايشة بقساوتين: قساوة الناس برا وقساوة أهلي جوّا
          	
          	بقعد لحالي بحكي مع صمتي وبفتّش عن إيد تمدّ إلي وما بلاقي غير فراغ الوحدة صارت رفيقتي الوحيدة بترفقني كل ليلة وأنا حاطّة راسي عالوسادة، وبتذكرني إنو ما حدا رح يسأل عن دمعي ما حدا رح يفهمني تعبت تعبت من التمثيل من ابتسامة كذّابة بخبي وراها وجعي تعبت من دور البنت الساكتة يللي بتحمل وما بتحكي جوّاتي صرخة كبيرة محبوسة بخاف طلّعها لأن بعرف ما حدا رح يسمع
          	
          	أوقات بتمنى لو عندي جناحين طير فيهن بعيد فلّ من هالمكان يللي عم ينهشني يوم ورا يوم بدي بيت فيه كلمة طيبة أكتر من الصراخ وعيون حنونة أكتر من العيون الغاضبة بدي حسّ إنو في حدا بيحبني بصدق مو بس وجود زايد ما إلو قيمة
          	
          	ومع كل هالشي لسا ماسكة بخيط رفيع من الأمل… يمكن يجي يوم ينكسر هالحزن ويمكن الله يبعثلي لحظة دفى حقيقية تخليني صدّق إنو كلمة "عيلة" مو كذبة      آسفة إذا ازعجتكم

uhhvjji

أوقات بحس حالي محاصرة بين أربع حيطان ساكتين كإنو البيت يللي لازم يكون حضن وأمان صار متل سجن عم يقتلني شوي شوي ضحكات العالم برا بتوجعني أكتر من سكوتي لأني بعرف إني عايشة بوسط مليان وجع وصراخ بدل محبة وطمأنينة
          
          كل يوم نفس القصة: مشاكل ما بتخلص أصوات عالية بتجرحني من جوّا نظرات قاسية بتطعنني بقلب وين الدفا يللي بيحكوا عنو وقت يقولوا كلمة "عيلة"؟ وين البيت يللي لازم يحميني من قساوة الدنيا؟ أنا عايشة بقساوتين: قساوة الناس برا وقساوة أهلي جوّا
          
          بقعد لحالي بحكي مع صمتي وبفتّش عن إيد تمدّ إلي وما بلاقي غير فراغ الوحدة صارت رفيقتي الوحيدة بترفقني كل ليلة وأنا حاطّة راسي عالوسادة، وبتذكرني إنو ما حدا رح يسأل عن دمعي ما حدا رح يفهمني تعبت تعبت من التمثيل من ابتسامة كذّابة بخبي وراها وجعي تعبت من دور البنت الساكتة يللي بتحمل وما بتحكي جوّاتي صرخة كبيرة محبوسة بخاف طلّعها لأن بعرف ما حدا رح يسمع
          
          أوقات بتمنى لو عندي جناحين طير فيهن بعيد فلّ من هالمكان يللي عم ينهشني يوم ورا يوم بدي بيت فيه كلمة طيبة أكتر من الصراخ وعيون حنونة أكتر من العيون الغاضبة بدي حسّ إنو في حدا بيحبني بصدق مو بس وجود زايد ما إلو قيمة
          
          ومع كل هالشي لسا ماسكة بخيط رفيع من الأمل… يمكن يجي يوم ينكسر هالحزن ويمكن الله يبعثلي لحظة دفى حقيقية تخليني صدّق إنو كلمة "عيلة" مو كذبة      آسفة إذا ازعجتكم