ujene1
هلوو…
بصراحة ما كنت متخيلة إني رح أكتب هاي الكلمات بيوم من الأيام .. صارلي تقريباً عشر شهور مختفية، وخلال هالفترة كثير ناس سألوا وين رحت، وكثير ناس يمكن اعتقدوا إني تركت الكتابة أو الحساب بشكل نهائي؛ والحقيقة إني كنت قريبة جداً من إني أعمل هيك فعلاً !!
بشهر 8 توفى حبيبي بابا، ومن وقتها حسيت كأن حياتي كلها وقفت فجأة .. مو بس الكتابة، أشياء كثيرة كنت أحبها أو أعملها بشكل يومي بطلت أقدر أقرب عليها زي الكتابة والرسم، كنت أحاول أرجع أكتب، أفتح ملف الرواية، أقرأ التعليقات، أعمل أي شيء… لكن كل مرة كنت أسكر كل شيء وأختفي من جديد.
ومع مرور الوقت صار الغياب نفسه عبء، كل ما تأخرت أكثر كل ما صار الرجوع أصعب وصرت أفكر انه ليش أرجع أصلاً؟ ليش ما أمسح الحساب وكل شيء عليه وأرتاح؟
وقعدت فترة طويلة وأنا مقتنعة إن هذا اللي رح أعمله للامانه .. لكن كل مرة كنت أفكر بالموضوع، كنت أرجع أتذكر قديش تعبت على هاي القصص، وقديش كنت أحب الكتابة قبل ما تتغير أشياء كثيرة بحياتي، وتذكرت كمان الناس اللي ضلوا منتظرين، حتى بعد كل هالوقت وكانو يضلو يعلقو على الفصول ويستنوني.
عشان هيك قررت ما أمسح الحساب واني أرجع، مش لأنه كل شيء صار بخير، ومش لأنّي رجعت مثل قبل، لكن لأنّي ما بدي أخلي الحزن ياخذ مني شيء ثاني بحبه !! فبالاول رجعت للرسم بحسابي الانستا، واخذ الموضوع شوية وقت حتى قررت ارجع للواتباد برضو.
يمكن أحتاج وقت لحتى أرجع أتعود على الكتابة والنشر، ويمكن أختفي أحياناً وأرجع أبطأ مما كنت عليه، لكني حبقى هون .. وشكراً لكل شخص ما زال موجود وسأل عني ♥️
MarieAgnes6
اللهم ارحمه واغفر له وعافه واعفو عته
خذي وقتك و راحتك بالكتابة والنشر واحنا منتظرينك دايما وشكرا لانك رجعتي ❤
Athenarm94
@ujene1 أولاً رحمة الله على والدك و أسكنه فسيح جناته يارب ثانيًا عودتكِ للكتابة شيء يفرح أن مُبدعة زيك سواء فالسرد أو الأفكار مختفتش من ساحة نهائي ولا أستسلمت وأخيرًا مستنياك ترجعي للنشر ❤❤
