:لهسه صواب زعلك حار بينه
وطبيب الطيب السل حار بينه
عفتنه واحنه لأجلك حاربينه
...
اهلنه ولا گلت مره خطيه 
و بجتف مخلوع و انتَطارحتني
أمس و أيدك بسديه طارحتني
يَريـَت أمي بشهرها ! طارحتني ..
ولا أعيش و أشوفك خنِت بيـه 
.......
شعلامك زمزم عيونك يريته.
بوكت بي يبجي لمزعلك يريته.
بجيت وكلبي من عركة بريته.
وشطت شوطه يتيم بمغربية
.......
اما ناوي تبطل الزعل ياهيل
ترف يا عود عنبر مسج ياهيل
ومن جنت بالكاروك ياهل
وانه مناغاك يلعب لعب بيه
........
صدى صوتك يدك بالراس ويران
بعقلي وبكلبي من فركاك يران
حرب صدام ثمن سنين وايران
وانت على زعلك ذلك بيه
..........
وترة عيونك دوة لخلكي وانومي
شحيح وطيفك يغرب وانومي
امك لاهيه بشعرك واني وامي
كل ليلة بضريح تبات بيه
واجه يطكني واخوتة حاجبينة
واسمعه يكول ما الك حاجبينة
خزرني وسيف صارن
حاجبينة
وصرت مثل الصنم من هد علينا.