زى ما بؤمن بالمساحة الشخصية وبحترمها جداً بردو بؤمن بأهمية الاختراق والإجبار في تأصيل الود وتثبيت المحبة ..
•زي ما فيه جملة بتقول "طيب طالما دا هيريحك" فيه جمله بردو بتقول "هتيجي معايا غصب عنك" .
•زي ما فيه جملة "فاضي أجيلك دلوقت ؟"
فيه جملة " أنا اللي برن الجرس ع الباب افتح "
•زي ما فيه جملة "ماشي اتفضل سلام "
فيه جملة "إستني أنا عايز اتكلم معاك" .
•زي ما بؤمن باللطف ، بأؤمن بالزن والتحايل وإيجاد المخارج وإختلاس الفرص، بؤمن إن مينفعش اللي يحبنا يسيبنا على مزاجنا والا هيبقى ايه الفرق !
• فيه Quote قريتها من فترة يمكن بتختصر كل الكلام ده "سلاماً لمن طرقَ الباب فوجده مُغلقاً ، فعذَر وأمهل وصبر ورابط وأبى الانصراف ومكثَ غير بعيد ، يتحيّن فرصة ويترصد ثغرة ، حتى رأى نصف إنفراجة فإنتهزها ، وجاز وعبر واخترق ومرّ إلى قلوبنا ، فأثار ومنح وطبطب وأحيا وأعان وعوّض واحتوى" .
• أوقات كتيرة بنكون قافلين علينا الاوضة ، مش عاوزين حد يدخل في أكتر وقت محتاجين حد يكسر الباب علينا ويدخلّنا ، غالباً أحسن حاجة بتحصل لينا هى الحاجات اللى بتحصل غصب عننا ، المريض لو مأجبرتهوش انه ياخد الدوا عمره ما هيخف !
• جلال الدين الرومي كان له مقوله بيوصف بيها اللى بنتكلم فيه "وإن كنت لا تريدني فأنا أريدك بالروح ,وإن لم تفتح لي الباب فأنا مقيم على أعتابك" .
• وبصراحه كده اللي مايعرفش يفرض وجوده وقت الحوجّة يمشى احسن .
