لــُورِين Loreen 🌷🌿.

@ AAMMSSGGSSNN تمام الحمد لله 

@ AAMMSSGGSSNN  دومك حبيبتي 

شَخسر بعدَ نَفسي وَضيعتها
          وياكَ هضَيمه ارجَع وأكَلك
          بعدَك تحبنيَ سلمتِكَ سِلاحي
          وكتلَك احمَيني وَصل بيك 
          الوَكت بسلاحي ترَمينيَ .

واعوفَك للزمَن تلويك الأيام 
          بضلَك باچر يبين انكسارَك 
          تظن الذكريات تعُوفك بخِير 
          محطة تمُرها يوميه بقطارك 
          وتذگرني بشكو شلونك بالوجوه
          ويُصفى الندَم عِنوان بشِعارَك .

البية هواي بَس إلمَن اسولفهن !.

متى نَلتقي؟.
           بَعد عامٌ وحَرب!
           ومتى تَنتهي الحَرب؟
           حيّن نَلتقي.

إشتهيت أنشاف
          بعيّونك
          مَليت من الوجوه المو
          مِثل لونك
          أنه لو بيك لو يمَك
          هناك أرتاح
          يعَافيتي أربعينك 
          مايشبهونك .. 

شبيها عيوني يمكن لاحها تراب
          ما باجي عسى بهاللحظة تعمى
          خابرته شوكت؟ بالغلط دكيت
          مرتين وطلع خارج الخدمة
          من يمهم فتت اي يعني وشصار؟
          حضرته المنطقة مسجلها باسمه؟
          كعدت ببابهم كلوله غلطان
          وكع مني دمع دنكت المه
          ولو طالع مسلم ما احاجي
          بس بكلبي اكول الله يسلمه..

وين يضم فشلته اليحب من بعيد
          الدمع عايف حچي وسوالف بخده 
          ماعرفچ وچني مفارگچ عمرين
          واسبّگ للهوى البي عطرچ تعده
          شيجي منچ اتلگه الخير والمو خير
          شتخلين يرهم واطلع بگده 
          "حسبوها الشماته وگالوا من تروح 
          وجهها وبابها وحتى الهوى تسده "

خسرنه اثنينه محَد طلَع ربحان
          وبيني وبين روحي هواي حاچيته
          انت خسرت اكثر بشر حَبك
          وانا خسرَت اكثر بشر حبيته
          چنت اتمنى لو نتلاگة لو انساك
          وابد ماصار شي مِن التمنيتَه ..