.

أنت تدري إني شخص ماني سريع إعجاب
          ولا كـل حـاجـة عـابــرة تـكسب إعجـابـي
          
          غلبت الهوى فترة لكن .. الــهــوى غـــلاّب
          تمادى و وقف في طريقي و أنا مابي
          
          دخلت في حياتي عرض من أوسع الأبواب
          و أنا لـ الحبايب ماني .. مشرّع ابوابي
          
          و عطاك الله من الود و الـحُـب و الإعجاب
          ما يجعلك سيّد قـلبي و كـل أحبابـي
          ..
          

ارسل قصايد غزل كله عشانك
          و اختار اجمل شعر بالكون موجود
          
          ما قصدي لجل تقول صح الله لسانك
          ابي اقول لك انك بهالشعر مقصود
          

لي قلب واحد و انت من جيت محتله
          معك ذقت لذات الغلا و انت ذايقها
          
          تعدت مراحل خلٍ يموت في خله
          انا ادمنت بك حتى العذاريب عاشقها

يا حبيبي .. و الدروب الي بدون نـهايـه
          اجمل من الي تاصل فيها و ترجع حافي
          
          كل ما جيت اصل .. اقنع نفسي اني تايه
          و ارجع لنفس الطريق الي تركته خلافي
          
          يبدو ان الشوق .. وصاني عليك وصـايـه
          لا القى يشفي غليل ولا المعانق كافي
          
          هذا انا في كل يوم اصحى و عندي غايه
          لا جديد .. الا اني اعدّي على مشرافي
          ..

آه من جرحٍ بقلبي عطيـب
          يوم قالوا لـي حبيبـك رحـل
          
          هل دمعي فوق خدي صبيـب
          سيّل الوديان واسقـى الهمـل
          
          فاضت الفيضة وفاض الشعيب
          سالت الرملـه وسـال الجبـل
          
          من يجيب أخبـار ذاك الحبيـب
          وإلا وين وإلا فين حـل ونـزل
          
          من فراقه عشت عيشة غريـب
          ليت يعرف حبيبي مـا حصـل
          
          جيب ياصدري من الصوت جيب
          تـو مـا زان اللحـن والمثـل
          
          حط نبذة على قافٍ عجيـب
          صور اللـي بالجمـال أكتمـل
          
          أدعجٍ بالوصف شكله غريـب
          في هدب عينه يبيـن الخجـل
          
          من مشى له فيه حـظ ونصيـب
          اشهد انه ذاق شهـر العسـل
          ..

هاييي عقي علومج؟

على سور قلبي لا يغرك جموع الناس
          ترا ما ورا بيبانه إلا مداهيلك
          
          ..
          
          عن عيني الناس ملغيّه و محجوبه
          ما أشوفك إلا سماي و كلهم حدري

ما عندي إلا قلب واحد و مسروق
          و السارق الي سارقه جايز لي
          
          عساه ما يعبر ولا يصادفه عوق
          و عساه مع طول العمر صافي لي
          ..

بعض العرب حبه يوردك الجنون
          ولا يوصف له  غلاه   أحكاك له
          
          ما يقنعه وصف الغلا لو وش يكون
          لو كل حرفٍ بالحرير   يحاك له
          
          الموت جاك  و هو  تقلبه الضنون
          ولا لك إلا الصبر  وش وداك له ؟
          
          إن قلت ضايق  قال هونها تهون
          ما يدري إن ضيقتك له و بكاك له
          
          تقعد تحبه و أنت ساكت و مغبون
          يمكن بيوم يقال له ما أوفاك له
          
          و كانك مشكك هو يمون او ما يمون
          تخيل إن عفت الصبر فرقاك له
          
          غلاه من  فوق الغلا  ما  هو بدون
          وحكاه سمعتك يجبرك برخاك له
          
          ودك تحطه  فالعيون  من العيون
          و تبسط على رمضا الثرى يمناك له
          
          و تظله من الشمس في ظل الجفون
          ولا يمر اذنه  .. سوا  لباك له
          
          و تسج  عن  غيره  لونهم  يذكرون
          ومنين ما سجت القدم ممشاك له
          
          ..
          
          كيك و عسل لكن ما هو في صحون
          و دعاك من عين الحسود غطاك له
          
          الله  لا  يعطيه   ناسٍ   ينظلون
          و يستر عليه من النحل لا ياكله
          
          ..
          
          يا جعلهم فدوة ثر الغض الفتون
          الـلي على الدرب .. اخطاك له
          
          طيفه إلى نام البشر زارك بهون
          و طيفك إلى نام البشر سراك له
          
          ..
          
          
          
          

أثر الزمـن دوار و أيامـنـا طيش
          و مصادم الأيام يحتاج صملـه
          
          الطير ياكل نملة الأرض و يعيش
          و إن مات ترجع تاكل الطير نملـه
          ..