ما تجين
شظل بعد من العمر
يا لما تجين
راحت الدنيا باهلها
واحنه باجر رايحين
لا گعدنه ولا حچینه
ولا ادیچ تشابكت مره وي ادينه
ولا ربيع المر علينا
و چم خریف احتركت بسده السنين
ما تجين
مرت ايام وليالي وما اجيتي
ولا نشدتي شلونه و چنچ نسيتي
ولا نسى ومر بشواطيج الحنين
ما تجين
اليحب لا زم يمر مره بحبيبه
والمفارگ هم يهزه الشوك لاحبابه ويجيبه
وانتي ما چنچ حبيبه
ولا کسر گلبج عذاب العاشگین
ما تجين
شظل بعد وإلمن بعد تتأملين ؟
انتحرت النجمة بسمانه
وانذبح زاجل هوانه
وأعلن البلبل حداده
وطائر النورس حزين
ما تجين
سنين مرن واحنه لیچ مناطرين
وخايفين تمر عليج حجاية من شماتنه وتتغيرين
نستحي نعاتب نجيج
وندري بيج من العتب ما تستحين
ما تجين
عدنه شوك المشتهيج
وعدنه خاطر مشتریچ
مزاعلتنه وليش من عدنه العشك ما تشترين
ما تجين
بيه واهس سندباد
وذاك جتفه الما تعب من ياسمين
ما تجين ؟