ريحانه

المحبَّة مرهونةٌ بالأمان .

صلاة الليل تخليك انسان مطمئن..
          تنور طريقك بهاي الدنيا الي كلها ظلام..
          تفتح أبواب الرزق المغلقة..
          تنطيك توفيق لا محدود..
          تخلي الناس يحبوك لاشعوريًا..
          تبعد عنك الي يحاول يضرك..
          بدون شعور تتغير للأفضل..
          لا تتعاجز عنها لا تفكر هي ثكيلة
          عيش اللحظات وانت واكف على السجادة
          السجادة حضن للفاكد السجادة حضن
          للمحتاج السجادة طريق مو قطعة قماش
          انت بس ابدي وعود نفسك عليها بمحبة
          راح تشوف نفسك مدمن على لقاء الحبيب
          من تنام العيون راح تنتظر الليل بشغف
          راح روحك تبتسم ويا كل فرشة سجادة
          راح قلبك يصير نظيف
          راح تتغير بدل متشوف المصائب نقمة
          تتلكاها بصدر رحب وتحسها نعمة من الله
          حتى ينظفك مابين قبل وبعد وقفة الليل..
          اني ماجاي اقنعك بس العاشق
          يسولف بمعشوقه بلا وعي واني عشيقتي
           السجادة  اذا يعدي يوم ما افرشها احس
          روحي معلعلة تلوب تتلفت
          صدكني انت تشوفها النور البعيد بس
          هي اقرب مما نتخيل بس نحتاج نصفن
          ويا نفسنة ونسولف وياها بعدها نقرر
          نفرش السجادة يمكن بالبداية الله يختبرك
          بعثرات يريد يشوفك صبور وعن محبة لو
          مجرد مصلحة وعندك حاجات تريدها تصير
          ترة الله ينطيك حاجاتك سواء صليتها او
          لا هي تحتاج يقين اكرر تحتاج يقين
          راح تكول شلون يقين ؟
          اليقين انك مؤمن بالله إيمان مطلق
          من ناحية الحمد والشكر والثناء ومن ناحية تتنازل عن ملذات الدنيا ومن نواحي
          كثيرة اليقين يعني الإيمان الثابت الذي لا يشوبه شك بأن الله تعالى هو الحق وهو المدبر لكل شيء وأن كل ما يجري في الكون بإرادته وحكمته.
          بنفس الثقة الكاملة بالله وتصديق وعده والرضا بقضائه والاعتماد عليه في كل الأمور بحيث لا يتزعزع إيمان الإنسان حتى في الشدائد وبدون جزع او تذمر بأن الله سيحقق لي الاصلح لي ويبعد عني ما لا يصلح..
          يكول الإمام علي عليه السلام
          اليقين على أربع شعب: على تبصرة الفطنة وتأويل الحكمة وموعظة العبرة وسنة الأولين.
          أي أن اليقين يقوم على فهم عميق للإيمان الواعي لا على تقليد او ظن.
          
          شنو رأيك تصليها ونشوف الفرق؟

هم تعـــود؟
          وأذبحلك دمع وهدوم حزني السـود
          هم تعـــود؟
          وأفرشلك جرح كلما تسحگــه يزود 
          وأحچيلك أيام فراگك شسوت وشسوت الوحشــه
          وأنتَ ما موجود...

" يفعل اللّه ما يشاء بقدرته ، ويحكم ما يريد بعزَّته "

إذا ضي الشمس والحر يتعبونــچ
          أوگفلچ خيال يفيي لعيونــچ..