الكاتبةياقوتةالانبارية

رساله من #الغربيه #الانبار
          	الأرواحنا #أهل_الجنوب #اهل_بغداد
          	احنا بالانبار مشكلتنا أعظم من البقية، بحيث ما
          	نعرف شنو الي ممكن نسوية حتى ندعم اهلنا
          	المتظاهرين.
          	انخاف نطلع نتظاهر وياهم لا يعيدون فلم ۲۰۱۶
          	علينا، ويخلوها حجة يخربون كل التظاهرات،
          	وتزيد الفجوة بيناتنا.
          	اذا بقينا ساکتین، راح يتصورون احنا مو وياهم..
          	بس اكلكم احنا عشنا اسوء تجربة من التظاهرات
          	وهاي خلت كل الناس ما تتشجع عليها، بس احنا
          	وياكم قلبا وقالبا ودعواتنا الكم، وحجي كل اهلكم
          	اهنا بيكم وبشجاعتكم والحزن على الشهداء، ولو
          	نعرف اذا طلعنا بتظاهرة ما راح يستهدفوه
          	ويصوبوها نحوكم حتى تفشل مظاهراتکم جان
          	طلعنا. #لكل_واحد يكول الانبار فرحانة وما دايرة بال،
          	تعال نص ساعة وافتر بشوراعها وشوف كمية
          	الحزن والاسی بگلوب الناس.
          	
          	حكمهم يعتبون علينا والله
          	بس اتمنى يتفهمون الموضوع من خلال القصيدة #اهل_الغربيه 2
          	
          	گالوا وينم . ما صفوا النيه
          	وين الثورة ؟ ما طلعت #الغربيه ؟
          	
          	الخوه الما تكف للخوه وكت الضيج
          	تلبس شيله تگعد مثل الامريه
          	
          	و گالوا ماحچوا من طلعوا الثوار
          	ضموا وروسهم مثل الحراميه
          	
          	حگهم ما درو خلي الطبگ مستور
          	# گبلهم گمنه والتقهرك سلمية
          	
          	غصب بوجوهنه آنلزگت لحايه الدين
          	ناس تگول داعش . لا وهابیه
          	
          	ناس تقول ذبحوا . ناس لا تفجير
          	حرمه تگول نهبوا مني ترچيه
          	
          	اولاد الرفيقه الناس عنه تگول
          	وناس تقول يمكن ذوله بعثيه
          	
          	سوونه ذبحنه سبايكر ياحيف
          	وذبحته الحمزه . ها برماح سئيه
          	
          	وسوونه ذبحنه حسين و العباس
          	وهجرنه قریش اعله الحديبية
          	
          	كل اعقولكم ؟ يا عمي شتكولون
          	والله بروسنه الغيره #الحسينيه
          	
          	مو راحن علينه السله والعنگود!
          	اجاك الذيب لا جثك الواويه
          	
          	من نفس الجحر ما ننلدغ مرتين
          	ما ضل بينه حيل . الناس مسبية
          	
          	طگ خشم الرجوله و نزف دم الموت
          	حزمنه ارتحت وانبات العوجيه
          	
          	لا مسند ضهر يلزم ضهرنا اليوم
          	ولا واحد فزعلي بروح ثوريه
          	
          	تخيل هالمواقف كون صارت بيك
          	ابهاي الحاله اکید اتصيح شعليه
          	
          	والله اگلوبنه احترگت عليكم حيل
          	شنو اليطلع بدينه وعشنه فصلیه
          	
          	يكفي لازمین اضهوركم #بالدعاء
          	الله اقوى من الكل »
          	
          	كافي نريد وطن