Mikasa

السلام عليكم هلو قايز شلونكم؟ شخباركم؟ بنات راح اكلكم شي واحتاج جداً مساعدتكم سواء من بنات اتابعهم او لا ف خل نبدي انه احس لا مو احس اتاكد انه بديت اكره نفسي واقارن نفسي باشخاص سواء جانوا صديقاتي لو اقاربنه لو حته اختي بيديت اكره نفسي من اكتشفت اني رسبت بست دروس متخيلين بست دروس يعني ماجاي اعرف ليش هيج مع العلم درجاتي قبل اعفاء بس هل السنه انه وزاري يعني ثالث متوسط او بلهجتكم ثالث ثانوي وانتو عرفتوا بالقرار الجديد دخول شامل يعني عندي هواييي ايام ادرس بيهه بس المشكله ما اعرف ادرس يعني انه جاي اسخت واكضي ايامي كلهه لعب و كرهت الدراسه وكرهت روحي ابسط شيء جاي ادعي على روحي بالموت وبديت ابتعد عن ربي ف انطوني نصائح للدراسه وشلون اتقرب من ربي واكو هيج بنات يكولن شلون تحجين بهذه البرنامج وميصير هيج ومن هذه الكلام انه عندي فقط هذه البرنامج على التواصل الأجتماعي و اعرف احجي او اتكلم بيه براحتي ف شلون عرفت اني اكره نفسي تعرفون مقارنات الأهل وهذه نجح وانتي لا وهذي حلوه وانتي لا  وشوفي شكلج بالمرايه وهاي احسن منج خلقاً واخلاقاً ومن هذه الكلام فقدت الثقه بالنفس بنات نصحوني اصلي وادرس او اصلا شلون ادرس واسفه لانكم قريتوا هذه الكلام وانتو عدكم ضغوطات او اعمال او جاي ادرسون او حبطتكم وياي اسفه مره الخ ف احبكم مليار قلب❤