سكرتيرة عزرائيل

دڪيت بابك ياوطن       باب الوطن مقفول
          
          دڪيت رقمك ياوطن      رقم الوطن مشغول
          
          شنو اليشغلك ياوطن    فدوه رحتلك ڪول  
          
          جاوبني بصوته العذب    ولسانه  المعسول
          
          مذبوح اني من الألم    ياوليدي مو مشغول
          
          عمايم امتلى هل البلد   وسبح وعبي ونعول 
          
          اليہودي يلعب بيه لعب   والعجمي يصول يجول
          
          الشعب سد بابه وڪعد   من الظلم مذلول
          
          والي فتح بابه وطلع     مخطوف لومقتول

اسمع ياشعب بطل تـجيب احزاب ..
          خلي نعيش اوادم ڪافې حزبيه ..
          خلي ايدك بٲيدي وصوت واحد ڪون ..
           ڪلا للحزب ڪلہم حراميه ..

وداعت بيوت اهلنا الطين ،
           مابيڪم سياسي يحب ابو الحسنين
          ڪبل ماننتخبڪم للنجف ترحون
          وعلي تنسونه تروحون لرجال الدين
          وترجعون بڪراسي ونمشي بالتابوت 
          نتلاكه خشب بس النـوايا اثنيـن
          خشبڪم بي درب للمنطقه الخضراء 
          وخشبنا نروح بي للمڪبرة مغبشين 

خيه وربج ميفيد وياهم لو موعزرائيل ذوله مال هيانه موذله مو مال شغلت اوادم
          

عيني سكرتيرة عزرائيل ممكن تاخذين موعد من عزرائيل للسياسين تره مصخوهة لاتضاهر يفيد لاغلط يفيد وياريت لو تسجلين دلدل وقيقو بالمقدمة تصوري يوميه نتضاهر ونغلط عليهم وهم لاحياء لمن تنادي 

اللهم أني أستودعتك وطني من شمالة الى جنوبة ومن شرقه الى غربه وأرضه وسماءه وأستودعك أهله الطيبين صغيرهم وكبيرهم وأمنه وأمانه وخيراته فأحفظه بعينكَ التي لا تنامُ يامن لا تضيع ودائعه عندك 
          
          اللهم احفظ العراق

تك تك تك يا ام سليمان ،
          تڪتڪنا بنص النيران ،
          تڪتڪنا شايـل غيـره ،
          تسوه امريڪا والجيران