بعدني اشتاكلك

ذكريات من براءة
          	الطفولة
          	
          	تلفزيون ينسد الساعه ١٢ الظهر ويفتح الساعه ٤ العصر وينسد الساعة ١٢ ليلا ! 
          	
          	والعشاء خفيف  
          	والبنكه على 5 
          	وكاعد تحل واجب الخط.
          	كانت حياه جميله 
          	
          	 كل مانشوف طياره نكعد نصرخ ونسوي لهم مع السلامه مع السلامه
          	
          	 كنا ننتطر سنة رابع ابتدائي علمود نكتب بالحبر
          	
          	 تسألك امك الساعة شكد ؟؟؟ تكول لها الچبير على اربعة والزغيير على ستة
          	
          	 نحس بإنجاز وفرح وشي عظيم إذا طلعت الشمس واحنا إلى الآن ما نمنا 
          	
          	 ننتطر الامتحانات علمود ما ناخذ جنطة 
          	و ننتطر وكت الشهادة حتى نلبس لبس حلو ونكشخ
          	اكيييييد سويت شيء منها او كلها
          	
          	1- يوم چنت زغير رسمت الشمس في زاوية الورقة
          	
          	2- يوم چنت زغير چنت تفكر ان شكل القلب الحقيقي هكذا ♥
          	
          	3- تسد باب الثلاجة شويه شويه  بس علمود تعرف ينطفي الضوه ... ذكاء
          	
          	4- حاولت توازن مفاتيح الكهرباء بين ON و OFF
          	
          	5- اذا أحد من اهلك يطلب منك گلاص مي لازم تشرب شوية وقبل ما تدخل تمسح حلگك علمود محد يعرف انك شربت
          	
          	اكيد انت تضحك هسه على هذه الايام الحلوة 
          	
          	قمة الفخامة ايام الابتدائية
          	
          	من ينطيك الاستاذ طباشير و أوراق ويگول وصلها للاستاذ في الصف الثاني
          	تدخل الصف گدام الطلاب
          	تحس نفسك  مبعوث الامم المتحدة
          	
          	تردون الصدك كلها صح… ذكريات من طفولة بريئه