زهرة النرجس

بحيث دفر النركيله طكت ب الحايط وتكسرت وهو يصيح 
          
          _سنين ربيتك على ايدي مامجذب علي بحجايه هسه تحط عينك بعيني بكل وقاحه وتجذب علي ولك انا فائق احد كلك الكدامك قشمر 
          
          _هذا ماكو غير داهيه راح حط السالفه بذانك هاي لان طردته امس هيج سوا بس صدك فائق ماكو شي صار ب البيت تعاركت ويه ابو الدلفري ب الشارع ودجني 
          
          عتني فائق من شعري يحجي بفحيح 
          
          _طلعتي مثل امج عينج كويه رادلج من يفكس عينج 
          
          سحبني وراه لاتجاه الجرار وهو يطلع سجين 
          باوعت البنيامين استنجد بي 
          
          نزلت دموعي بخوف وانا افلت من ايده واركض لورا ظهر بنيامين 
          
          اجه مهيمن ومهدي ع الصياح وهو مصدومين من ابوي الي لازم سجينه شمرها ليم رجلي واخذ الملقط شال بي الفحمه الجانت ع النركيله جريت ملابس بنيامين بخوف احاجي 
          
          _راح يحركني بنيامين 
          
          باوعت المهدي ومهيمن وانا احاجيهم 
          _طلعو منا 
          
          رجعت احاجي بنيامين بدموع 
          
          _خليهم يطلعون منا لايشوفونه ياذيني عفيه بنيامين 
          
          استنجد بي وهو ساكت اخر شي كال 
          _مو هيج فائق بس افهمك والله مو هيج 
          
          جان ابوي بس يريد يلوحني من ورا ظهر بنيامين جرني من وراه بقوة راد يحط الفحمه على ظهري بس بنيامين مد ايده لزمها بجف ايده وهو يصيح بشوغه 
          
          طاح الملقط من ايد فائق طلع وهو يحجي بدون مايعير اهتمام البنيامين 
          
          _كلاب ماتصيرلكم جاره تضلون كلابhttps://www.wattpad.com/story/342596254?utm_source=android&utm_medium=link&utm_content=story_info&wp_page=story_details_button&wp_uname=khkhkh01&wp_originator=N%2FcvHgAd%2BFtFW0KSGNxYI8hDYwk8vOTX8LHr5KG5UwqkdTEFmBGHDhvFYIE5UTDHQOqw5Tv0aghZevaXARrHJYFFiWY2aXzVI7w%2Fw75fu9lqcrwUp2cxDpohj2Tej0QF