ملك النسيان

ضل بالي يمك هم بالك وياي لو بس كلام العشك دونته صدكني عله مودك مانمت ليل ولا طعم منام بعيني ضكته شمالك ما تحس ما تملك احساس لاتسكت حبيبي أتموت السكته قانون العشك علمني عله شوك وقانون كلبي واريد وياك لان وصفك عجبني بروحي صورته راح احلف احبك وضل الك شتاك غيرك ما احب والله بس انت  ............ رافد الكروي القيسي

ما اريد جنه ولا قصر وياك اريد اكضي العمر

اموت بشوك حبك وانت كلبي نفس يصعد بروحي وانت كلبي وصل شريان حبي وانت كلبي وانت وي نفس تصعد سويه

ما أعوفك بعد ماخذ عهد عالروح واقبل لو حطب عالنار ترميني واتنفس هواك بزحمه الدخان واكولن هم يحن كلبه ويطفيني مو ثوب وينزعك جسمي حتى ارتاح ولا كل يوم طبعي بثوب تلكيني ما دور كمت عزه نفس وياك بس ينجاب طاري اسمك يبجيني محتاجك حبيبي بكثر ما محتاج واحد يفتهم حجي ويحاجيني