خيال🦋💐

عافت ايدي وكضتني من جتافي 
          كالت
          :-يمه حبيبتي ابقي هنا خل ييجي ابن ناس اوادم ياخذج مو دكولين امي ذبتني لو امي متريدني تره ذبيتج حته ماتنضلمين عد ابو جهاد 
          
          :-مامه اخاف اضل وحدي ابقي وياي
          
          :-ماكدري يروح امج تعاي احضنج 
          حضنتني امي وضلت تبجي واني ضاله كلشي ماعرف وهيه
          
          من كالت حته لاتنضلمين عد ابو جهاد
          متدري شلون راح انضلم بعدين 
          
          وخرت مني وكالت وهيه تمسح دموعها
          :-راح اروح ديربالج على نفسج ضلي تذكريني اني امج صابرين وانتي بنتي كاثرين ماشي يمه
          
          :-هزيت راسي وكتلها
          :-بوسلي حسام كليلها راح تشتاقلك اختك
          
          :-بجت بالزايد وباستني وراحت بدون متدير عليه
          ركضت وراها بس ماكدرت اوصل يمها ابجي واصيحلها لان دربونه ضلمه هيه صعدت بالسياره وباوعلها تبجي وتباوعلي من جام السياره 
          
          ضليت افتر وابجي محد بشارع كعدت يم 
          باب مبين خرابه منجوه كعدت على طابوكه 
          برجلي جهال كومه يباعولي خترعت
          
          اجاني واحد كومني ودفعني بلكاع 
          يصيح عله اجه رجال شحتهم جاي اكوم كومني
          هوه كال
          
          بستغراب:-انتم جدد هنا
          :-هزيت راسي بلاء
          
          :-لعد وين اهلج
          :-امي كالت لادكولين ذبيتج اني احبج بس اخلصج من ضلم ابو جهاد
          
          :-شنو شكالت
          :-كالت لادكولين الاحد اني ذبيتج اني احبج بس لان ابو جهاد بابه يريد ينطيني اله
          
          :-وهسه اهلج وين متندليهم
          :-هزيت راسي ب لاء
          
          كال:-شكد عمرج
          :-عمري راح يصير ثمانيه 
          
          :-ثمن سنين8
          :-هزيت راسي بأي
          ............... 
          
          قصه جديده واحداث غير مطروقه في
           الواتباد
           بقلمي اني الكاتبه:-شهد علي
          
          قصه اربع بنات ولكل منهن حياتها 
          الروايا حقيقيه وذا قريت القصه
           وعرفت قصص حياتهم انشر حساب البطلات للتواصل معاهن
          
          .............. 
          الكاتبه::-شهد علي
          القصه::-اسرار لم تخفيها الحياة
          
          اتمنه تعجبكم
          https://www.wattpad.com/story/313800723?utm_source=android&utm_medium=link&utm_content=share_writing&wp_page=create&wp_uname=A___Alie926&wp_originator=C2IL5e4lK4lU%2Fd49xoMCbTvohOaXbs57yfVSATuIyW0c6vqB%2BftmTjqSi1B4cCpbacrEPjWHO3dQu3j%2F8AXUXv8pbm%2Bc3NR1WaqrO7OKvoOf33Il674rIbmCe38EAt70