user63783364

صرت من احزن اكمل يومي وانه روحي مو وياي ومن اتمرض اكوم لو رجلي تخط بالكاع ومن احد يعيل علي جنت بوجودج ازعل واجي ارتاح هسة لا ابلعهة واكمل عادي من روحتج لليوم وانه عرفت معنى المسؤلية والحمل اليكسر الضهر من روحتج لليوم زاد همي يريدني انزع الأسود واذب حزني عليج وهوة كاعد يم أمه المشكلة ما اكدر ادعي على بشر يفارگ أمه لان هل لوعه ما يعرفهة بس الي ضاكهة يريدني انسة وارجع اعتيادية ويا وانه ليلي يشهد علي ربي ما يخلص الة ادوخ من البجي وراسي يطك وياريت اشوفج بحلم كاطعه بيه صار هواي ليش يمة مزعلتج بشي مقصرة ادري صار هواي ما جايتلج بس اجيلج ويرجعوني باسعاف بطلو محد يقبل ياخذني اجي ملهوفة والكاج بس تراب ويردون كلبي يتحمل يمة طك كلبي عليج اليكول اول ايام اصعب لا غلطان أول ايام ما جنت مستوعبة شي الي يكول خطية وشصاير بيهة لا بالعكس هناك جنت اقوة واحسن الصدمة بعدهة ما فايتة لعقلي ورة الاربعين هم الوضع جان اهون بس من ينتهي كلشي وكلمن يرجع لحياتة من يبقى الجهاز ما يطلع اسمج بي من اجي للبيت ومحد يتلكاني  من كلشي يسكت وتبقة صورتج تتراوالي وما ادري وين ممكن الكاج واشوفج هنا ربي يعلم هنا هنا ما اعرف والله ما ادري شحجي يمة كلبي ياذيني اريد اشوفج تعبت 
            شوكي ما يستوعبة حجي لو كتابة دموعي ما تطلع نار كلبي 
            شهكتي ما تخفف شي بس تشحط بلعومي ماكو شي جاي يبرد كلبي ماكو وما ادري وين احجي وياج وتردين بكل مكان احجي وية صورج وية غرفتج وية هدومج وية طيفج بخيالي وبحلمي ومن اكون وحدي ومن انشغل بشي بالهوسة وبالهدوء وبكلشي انتي موجوده بكلشي بس ما تردين هاذة الموتني انتي بكل مكان بس انتي ماكو صوتج يتردد باذني الكلام الي جنت اتجاهلة يصادفني من انضف من اطلع من البس من انام من احجي من اتعامل وية جهالي من اشوف اخوتي صوتج بكل مكان بعقلي يتردد بس ما جاي اسمعه ليش ااااخ يمة مريني بروح الحسين انتي روحج بأهل البيت احلفج بيهم تعاي بحلم خل اشبع شوف منج اريد اكعد وياج

@Rahma_1924  
            خالة رُوحي راحت وأني ابچي على بنتچ، رجعي ورجعيها وياچ فدوة گلبي طگ وعلي والعباس ابو فاضل گلبي يوجعني