7 نوفمبر, 2014 / رد	

ياهل العقول الزاكيه كان توحون
أصغو دقائق موجزه واسمعوني
واصحووخلوكم معي لاتسجون
ولأخذت بعض اوقاتكم فعذروني
كل الهدف لعلكم تستفدون
ولياحصل عندي خطاء وجهوني
عن الأخره واهوالها لاتغفلون
وانا بعد من فضلكم ذكروني
البارحه ليلي هواجيس وحزون
والنوم عيا لايوالاف عيوني
طرا علي الموت والموت مضمون
لأقفت عن الدنياء واهلها ضعوني
وقاموعلي بعض المحبين يبكون
وفالمغسله مما علي جردوني
وقاموعلى جسمي من الماء يصبون
ثم ودعوني عقب ماكفنوني
وتواعدو على الجنازه يصلون
وصفو وانا قدم الامام عرضوني
ويوم انصرف وانا مسجا ومركون
فاصغوعلي بكتافهم وحملوني
ثم اسرعوبي وبخطاهم يحثون
وتاعلمو بجنازتي واتبعوني
إلى منازل عالمن مايدوجون
من يوم صادتهم يدين المنوني
دخلتها محمول والناس يمشون
وعلى مشارف منزلي نزلوني
ثم نزلوني لأسفل القبر بالهون
وارخو علي الاربطه ودفنوني
واقفو وانا في باطن الأرض مدفون
الله يسامح كل من سامحوني
وسمعت قرع انعالهم يوم يقفون
وجتني ملائكه القبر وسئلوني
ولويجتمع عندي من الناس مليون
توحشو مني ولا ونسوني
وامسيت في قبري بالأعمال مرهون
وحال التراب وصفت اللبن دوني
وتوافدو على محلي يعزون
وزاروني الأصاحب ماحصلوني
والعلم غير العلم لو كان يدورن
لاغيرت لاجداث شكلي وللوني
واعظم مصيبه لانكشف كل مكنون
في موقفن محدن على احدن يموني
تكفون ياواعين الأباب تكفون
توبو قبل يوم الندم والغبوني
يومن عبوسن فيه فايز ومغبون
تحصى وتقضى فيه كل الديوني
مقدار خمسه وسبعون مما تعدون
وكل الشهود بما يجرا يشهدوني
والأطفال من طوله وهوله يشيبون
وفيه الولد ينسى حنان الحنوني
يالله ياللي رحمتك تاسع الكون
ان مارحمت الناس مايرحموني
تغفر خطاء عبدن بالأوزار مشحون كفالة اللة لايعيدها من يوم
واليا غفرت فكل شيء يهوني
الرب يعفو والمخاليق يخطون
وانا بربي ماتردت ضنوني