علمني الوكت من أحجي طك بطك
ومازامط جذب لو جان مابيه
ولو ساكت أظل لو أحجي جلمة حك
وما أمشي ابدرب مجهول تاليه
ماكلك غشيم ولآنه المدكدك
أفرزن بالحجي وأفهم معانيه
ولساني عدل والكلمه ماتزلك
والجمله بشفافي تصير ورديه
الرابي اويالبدو بالبن مايشرك
خوفك عالكبر وبحلكه مميه
شفت ناس شكثر ماتمشي بس بالدك
وشفت ناس اعلى راسي اتصير بيريه
آنه ابن التفك لوصار وكت الطك
وآنه ابن الكرم لوضيف مر بيه
ابن شط العرب سباح مايغرك
وأببحر الشعر يرسن قوافيه
ابمنكار الصكر شديت رجل الرك
لان شفت الصكر عالي بشواطيه
عذري الهوى صادق إذا اعشك
وإذا افكر أحب كون الا بصريه




من حقي أفتخر بالبصره ساسي اندك
ومن دون الاسماء البصره علويه
من صار الوطن بالعيد وجهه ازرك
ابدم اكبر ولدهه اتبرعت هيه
البصره أم ولد بالعيد ماصفك
لأن انطه لبلاده جفوفه عيديه
أفصل الليل شيله وشرط ماتعتك
وأصوغ امن الكمر للبصره ترجيه
بالبصره وأحن للبصره وإلهه اشهك
ومابدل الدنيه ابتمره برحيه







بت البصرة بت البــــــــــــــــــصرة حرة والف حرة
اصالتهه من النــــــــخل كحيلة السمرة
ما تعرف زعل والـــــــــــروح خـــضرة
الچ مني السلام وارقى التحية






من حقي أفتخر بالبصره ساسي اندك
ومن دون الاسماء البصره علويه
من صار الوطن بالعيد وجهه ازرك
ابدم اكبر ولدهه اتبرعت هيه
البصره أم ولد بالعيد ماصفك
لأن انطه لبلاده جفوفه عيديه
أفصل الليل شيله وشرط ماتعتك
وأصوغ امن الكمر للبصره ترجيه
بالبصره وأحن للبصره وإلهه اشهك
ومابدل الدنيه ابتمره برحيه